Tiramento masivo na Zuid Carolina ta laga 5 hende morto

Cinco persona a fayece na un tiramento masivo na un cas na e condado di York di Zuid Carolina, asina a informe e autoridad. Entre victima di tiramento cerca di Rock Hill ta un dokter, su casa y dos nieto.

Oficina di sheriff di condado di York, vocero di oficina, Trent Faris a bisa cu e famia tabata prominente y conoci den e condado. E polis a haya yamada di un tiramento pa 4:45pm

“Dr. Robert Lesslie y su casa, Barbara Lesslie a wordo haya na cas morto pa herida di tiramento, mescos nan dos nieto (di 5 y 9 aña di edad) y James Lewis, kende tabata trahando riba e cas tambe a fayece.

Un otro persona a keda traslada pa hospital cu herida grave. “E ta un situacion tragico, tragico pa e famia. Nan ta pidi respect pa nan privacidad e momentonan aki”, Faris a bisa.

Faris tambe a bisa cu nan ta kere a haya e persona cu ta responsabel y e caso ta bou investigacion. “Esey ta tur locual nos por bisa te awo, e persona ta biba riba e mesun caminda”, el a bisa.

Pa finalisa, Faris a bisa cu no tin menasa pa comunidad pero detective ta trahando na area pa cumpli cu orden di registro pa investiga un evento tragico.