Jackie Pham Nguyen y su tres yiu, Olivia (11), Edison (8) y Colette (5) nan tabata hunto y nan wela a bin cerca nan pa keda cu famia cu ainda tabatin electricidad. “Nos tabata pensa nos tabatin suerte pa motibo cu ainda nos tin coriente te cu atardi”, e mama ta bisa.
Ora cu e corienta a bay for di nan cas, nan a sende e chiminea y cuminsa hunga wega. Pa banda di 9:30pm. E mama ta hiba su yiunan drumi y e siguiente cu e sa ta cu e ta lanta den un camber den hospital. Polis a informa cu niun hende mas a sobrebibi.
Ta posibel cu nunca por haya sa e causa di incendio. Nguyen a bisa cu no ta corda locual a sucede pero e ta corda na e prome piso (mirando cu no por a subi na e camber di e muchanan) e tabata grita pa su yiunan lanta y nan bula cerca dje pa nan por a huy.
Aunke Nguyen no ta corda mucho di locual a pasa, Doug Adolph, vocero di ciudad di Sugar Land, a bisa CNN cu e mama mester a keda restringui fisicamente pa asina e no bolbe drenta e cas.
Adolph a bisa cu e becindario ta sin electricidad durante 8 ora, aunke Nguyen a sufri kemadura na su man, e ta bisa cu e perdida si su yiunan y mama ta inconmensurabel. “Mi curason ta kibra, mi nunca lo ta mescos.”
Honrando e muchanan
Sabiendo cu algun pregunta lo keda sin contesta, Nguyen a bisa cu lo avansa di un manera cu ta honra su yiunan y nan memoria adecuadamente. “Mi ta lamenta di perde nan, pero ta sinti honestamente ta un perdida tragico pa mundo cu e muchanan aki no por yega na biba di nan potencial y contribui na un sociedad manera nan por a haci.”
Un GoFundMe a ricibi mas di 275.000 dollar den donacion. El a bisa cu e kier pa ta sigur cu e placa lo keda usa pa un organisacion of un fundacion. “Mi kier haci algo duradero y significativo.”
Leave a Reply