Un enfrentacion di un grupo militar lo cerca di frontera di Niger cu Malo a mata 16 soldat di Niger y a laga un persona desapareci. E patruya lo bay bek for di un mision, ora tabata cerca di e frontera cu Mali e atake a cuminsa.
Varios banda di hende homber riba brommer a cuminsa ataca militar, segun informe di ministerio interior a bisa. E ehercito a intercepta un grupo di presunto extremista matando 24 cu lo tabata ataca Baibangou, na un aldea di 100km nort di e capital.
“Mientras cu nan tabata bou custodia policial, prome cu a keda transporta na Niamey, e presunto terorista lo a purba huy banda di 4am, 24 di nan a keda mata pa e ehercito”, ministerio di defensa a bisa.
Ta investigando ambos incidente. Niger y Burkina Faso y Mali ta luchando contra propagacion di violencia extremista mortal di grupo vincula na al-Qaida y grupo islamico.
E aumento di violencia a mata miles di persona y a desplasa centenares di miles for di presencia di tropa regional y internacional. Na Niger, centenares di civil a fayece e aña aki.
Na januari, 100 persona a fayece na aldea occidenteal di Tchombangou y Zaroumdareye na Níger. Na maart, un serie di atake conflictivo na frontera di Niger cu Mali cu a laga 137 persona morto.
Leave a Reply