Polis regional di Barcelona a informa cu un hende homber a keda trapa paden di un estatua di un dinosaurio cerca di un pueblo na Barcelona, tur cos ta indica cu tabata un accident, pero forense ta examinando.

E hende homber di 39 aña di edad (kenda no a wordo identifica publicamente) a muri despues di cu su celular aparentemente cay den di dinosaurio y a keda atrapa purbando di recupera su celular.

Polis a haya e curpa di hende homber na e localidad di Santa Coloma di Gramenet, nort di Barcelona, despues di a ricibi un yamada di un hende homber y su nieto cu a wak algo paden di e estatua.

E estatua di dinosaurio ta na e plaza central di e ciudad y ta eynan for di 2009, polis a bisa cu no tin señal di violencia y cu no a habri un investigacion ainda. E famia a raporta e desaparicion dos dia prome.