Un hoben a fayece pa keda warda pa nan atende na hospital

Un hoben mucha muhe di 22 aña di edad a fayece na Hospital Iturraspe na ciudad di Santa Fe, nort di Argentina, despues di a keda contagia di coronavirus. E hecho a conmociona e pais, no solamente pa e perdida di otro bida na medio di e pandemia di covid-19, sino tambe pa dificultad cu e hoben tabatin pa acede e atencion medica.

Su famia a pone den e piso di hospital pa e keda atendi pero pa motibo falta di cama no disponibel pa e colapso e sistema sanitario na provincia di Santa Fe. Lara Arreguiz tabata studia den facultad di Ciencia veterinaria di Universidad Nacional del Litoral (UNL)

Ora e tabatin dies aña, nan a diagnostica cu e tin diabetes. Siman pasa, el a cuminsa experimenta sintoma di coronavirus. Su mayornan a dicidi traslada pa un centro hospice ubica na e zona, unda a constata cu Lara ta padece di neumonia bilateral.

Pa e situacion di Lara, mayornan a hib’e bek na Hospital Iturraspe di e mesun ciudad, unda a consulta pa disponibilidad di cama. “Mi mester a bisa pa tres biaha e persona di admision pa e laga Lara drenta, e tabata descompensa y tabata sinti elo cay flauw”, su mama a bisa.

Pa motibo di protocol y falta di cama na hospital, su mama a pone su yiu riba vloer pa asina e por descansa. Director di hospital, Francisco Villano a declara cu e hoben a warda 30 minuut pa keda atendi, te ora cu dokter di warda a wake y considera cu mester interna e hoben.

Finalmente, un dokter a convoca un hoben pa su consultorio, a examina Lara y acepta cu lo interna Lara den un sala. E virus a tuma tur su pulmon, el a rekeri ingreso pa terapia intensivo unda el a muri dia despues.

Ministerio di salud di provincia di Santa Fe a informa cu no lo emiti ningun opinion of declaracion di e caso. Segun informacion, e ciudad principal di provincia di Santa Fe a wak un nivel di ocupacion di cama critico entre 97% pa 98%.

Leave a Reply

Your email address will not be published.