Un tercer parti cantidad di pashent cu a haya covid-19 ta sufri un malesa cerebral

Cada un di tres persona infecta cu covid-19 tin sintoma neurologico of di salud mental despues di tempo. Estudio a haya cu 34% di sobreviviente a ricibi un afeccion neurologico of psicologico den seis luna posterior na infeccion, segun revista Lancet Psychiatry.

E diagnostico mas comun ta ansiedad cu nan a haya cu 17%. Di esnan trata pa covid-19 tin trastorno di estado di animo, cu nan a haya 14% di e pashentnan. Efecto neurologico ta mas grave na pashent hospitalisa.

“E cifra a aumenta progresivamente na medida cu ta aumenta e gravedad di malesa pa covid-19. Si nos observa pashent cu a keda hospitalisa, e cifra a aumenta pa 39%”, Maxime Taquet a bisa, investigador clinico academico di e Universidad di Oxford.

Resultado lo yuda ilumina e caminda di con e sistema di salud mester sigui y yuda e sobrevivientenan.

Covid-19 manera un ‘malesa cerebral’

E estudio mas grandi di su tipo ta involucra e registro di salud electronico di mas di 236.000 pashent cu covid-19, principalmente na Merca. E investigadornan a compara nan regustro cu esnan cu a experimenta otro infeccion respiratorio den e mesun periodo.

Nan a observa cu persona cu covid-19 tin un 44% mas di riesgo di padece malesa neurologico y salud mental den comparacion cu hende cu ta recupera di un griep y tin un 16% di probabilidad di experimenta efecto den comparacion cu persona di otro infeccion respiratorio.

Leave a Reply

Your email address will not be published.