Valerie Bacot, kende a mata su casa pa abuso na Francia ta enfrenta huicio pa homicidio

Un huicio pa homicidio contra un hende muhe kende a mata su casa abusivo. El a admiti di a mata Daniel Polette na defensa, e ta enfrenta bida largo pa mata su casa.

Segun Bacot, el a mata su casa cu e mesun arma di candela cu Daniel kier a mata ele cu su famia. Bacot a bisa cu Polette ta 25 aña mas grandi cune, e a abusa di dje sexualmente ora cu e tabatin 12 aña di edad.

Segun Bacot, e tempo ey, Daniel tabata pareha di su mama. Daniel a keda condena pa violacion di un menor di edad y a keda dos aña den prison. Bacot a bisa cu el a bolbe abusa di dje sexualmente y lag’e na estado cu 17 aña di edad.

Bacot a menciona dilanti e huicio cu Daniel tabata dale ora e no tabata haci algo na su agrado. Durante e transcurso di 18 aña, Bacot y Daniel a haya cuatro yiu.

Dos di e yiunan a yuda dera e curpa di e tata. Na 2019, cada un a ricibi un setencia di prison suspendi di 6 luna pa sconde un curpa humano. Durante e curso di investigacion di menor a papia di implacabel abuso cu nan mama a sufri.

Bacot a bisa polis, cu Daniel tabata dale constantemente y cu el a obliga pa prostitui su mes. Bacot tambe a bise varios biaha, Daniel a bisa cu si e lage, elo mata ele cu su yiunan.

E fiscal ta menciona cu asesinato di Bacot tabata premidita, abogago di Bacot ta nenga. Un peticion pa no cera Bacot den prison a keda lansa pa un linea di defensornan. Nan a obtene mas di 580.000 firma. Ta spera cu huicio dura 5 dia.

Leave a Reply

Your email address will not be published.