Variante nobo di coronavirus na New York ta preocupa cientificonan

Dos team diferente di investigadornan a bisa cu nan a haya den ciudad di New Yrok y otro parti di nort di Merca un variante di coronavirus anto esaki ta preocupante. E mutacion ta evadi cu contesta inmune natural di e curpa, manera efecto di tratamento di anticurpanan monoclonales.

Investigadornan di genoma a denomina e variante B.1,527. y ta bin na persona afecta na diferente becindario di e ciudad di New York. Un di e mutacion di e variante ta mesun preocupante manera esun cu a ripara porme biaha na Zuid Africa y ta conoce manera B.1,351. tambe ta parce evadi e curpa di e vacuna y ta birando mas comun.

“Nos a observa un aumento constante na e tasa di deteccion for di fin di december te cu february, cu un aumento alarmante di 12.7% na e ultimo dos siman”. asina un di Centro Medico di Universidad di Columbia a informa den un publicacion cu lo sali.

Ta ultimo number di creciente di variante viral cu a surgi na Merca y a registra mas caso di coronavirus (28 miyon) cu cualkier otro pais y unda cu e propagacion ainda ta intenso.

Otro variante na California

Otro dos team a informa di otro variante cu ta creciendo na California. Nan tin miedo cu a variante no ta solamente mas contagioso, pero tambe cu por causa malesa mas grave. Mescos cu New York, e investigacion ta na e prome fase, y no a keda publica, ni revisa y mester mas trabou.

Un team di Universidad di California, San Francisco (USCF), nan a analisa muestra di e vrius cu brote reciente na California y ta mustra cu e ta birando mas comun. E variante, B.1,427/B.1,429, tin un patronchi di mutacion diferente cu variante cu a wak pa prome biaha na Inglatera, cu yama B.1,1.7 o B.1,351. Un mutacion L452R, ta afecta e proteina di e pico di virus, cu ta e parti cu ta adheri celnan cu ta infecta e virus.

Leave a Reply

Your email address will not be published.