Zuid Africa ta suspende aplicacion di vacuna di AstraZeneca

Trahadonan di salud di Zuid Africa ta bisa cu nan a suspende e aplicacion na henter e pais di e vacuna contro coronavirus di AstraZeneca despues di cu un estudio a mustra cu ta ofrece proteccion reduci contra e variante di Covid-19 identifica pa prome biaha na e pais.

Durante un sesion informativo, e minister di salud di Zuid Africa, Dr. Zweli Mkhize a bisa cu e suspension lo ta temporal mientras cientifico ta descubri con implementa e manera mas efectivo di e vacuna Astra Zeneca.

Mkhize a bisa cu Zuid Africa lo avansa cu diesplege di vacuna fabrica pa Pfizer/BioNTech y Johnson & Johnson. E prome dato publica a sugeri cu dos dosis di e vacuna Oxford/Astra Zeneca ta proporciona un proteccion minimo contra covid019 leve y modera di e variante.

Locual e estudio ta bisa di vacuna di AstraZeneca

E estudio cu ainda no a keda publica ta inclui un 2000 boluntario cu tin un promedio di 31 aña di edad. Aproximidamente e mita a ricibi e vacuna y e otro mita un placebo cu no ta haci nada.

E neutralisacion viral contra e variante B.1.351 a reduci sustancialmente den comparacion cu e cepa anterior di coronavirus, asina investigadornan a bisa riba un comunicado. Nan no a evalua e eficaz di vacuna contra covid-19 grave, hospital y morto.

Leave a Reply

Your email address will not be published.