DNM ta lansa un video pa motiva e consumidor pa yena e encuesta relaciona cu e ley prohibicion uso di plastic di un solo uso

Directie Natuur en Milieu (DNM) un biaha mas kier logra haya mas persona pa yena e encuesta tocante uzo di productonan di plastic cu ta cualifica di ta di un solo uzo. Aña pasa na luna di oktober DNM a establece e encuesta pero e biaha aki, DNM a produci un video cu ta ilustra con por haya e encuesta y yena esaki.

Por haya e video ilustrativo aki riba e facebook page di DNM, dnmaruba. Na 2019, Aruba a aproba e ley prohibicion di productonan dañino pa medio ambiente (AB 2019no.67). E ley aki a drenta na vigor dia 1 di juli 2020. Nos sa cu e introduccion a impacta e consumidor y tambe e importador.

P’esey ta haci un yamada na e comunidad pa yena e encuesta. Bo por haci bo escohencia pa Papiamento of Ingles.https://bit.ly/2RcjX7D pa Papiamentohttps://bit.ly/2ZgI4H1 pa InglesSi bo persona no sa kico ta prohibi pa ley y ta interesa den nos leynan local, por haya esaki riba e pagina di www.overheid.aw.

DNM ta recomenda repasa e ley prohibicion di productonan dañino pa medio ambiente (LB. verbod voor het milieu schadelijke producten AB2019 no.67). Asina bo por haci un mihor escohencia pa loke ta trata nos medio ambiente.

DNM ta gradici nos dos actornan chikito y e dedicacion pa realisa esaki diparti nos stagiaire Gianira Maduro. Bo por comparti e link cu amigonan y famia y comparti e video pa nos logra e colecta data importante pa asina evalua e introduccion.

Leave a Reply

Your email address will not be published.