Directiva di Dutch Caribbean Nature Alliance (DCNA) resientemente a tene su prome reunion di directiva pa 2021 den un sesion mixto virtual y cu participante en persona, pa tuma desicion y discuti tocante strategianan crusial pa sigura continuacion di actividad di maneho cu e Organisacionnan di Maneho di Parke pa tur e seis islanan di Hulanda Caribense.
Originalmente a planea un reunion en persona na Sint Maarten, pero pa motibo di un aumento den casonan di contagio di COVID-19 na e islanan ABC desicion a cai pa tene un reunion mixto, cu algun miembro di Sint Maarten presente en persona, mientras cu e otronan lo participa for di nan base di cas rond Hulanda Caribense y Hulanda Europeo.
E reunionnan di Directiva di DCNA ta importante pa por discutí i traha strategia tokante e forma mas efectivo pa sostene e maneho di organisacionnan di areanan proteha na Hulanda Caribense, specialmente den lus di e retonan significante cu e pandemia global di Covid-19 i otro presionnan cu e Organisacionnan di Parke ta enfrentando.
Gerencia di e Organisacion di Parkenan tabatin tambe oportunidad di informa e otronan tocante algun di e retonan y exitonan cu e parkenan ta experencia den nan lucha pa continua salbaguardia naturalesa na Hulanda Caribense. A tuma tambe diferente desicion di gobernacion incluso desicionnan relaciona cu bon gobernacion financiero, pago di Conservation Trust Fund y e sosten cu e red di contacto di DCNA ta duna cu finansa periodico pa medio di lòbi cu e ta haci na nomber di e organisacionnan di conservacion den Hulanda Caribense.
DCNA su red di contacto di conservacion, ta provee sosten na e Organisacionan di Maneho di Areanan Proteha riba tur seis isla di Hulanda Caribense: Aruba National Parks Foundation, STINAPA Bonaire, CARMABI Curaçao, STENAPA St. Eustatius, the Saba Conservation Foundation y Sint Maarten Nature Foundation.
Un componente importante cu a discuti durante e reunion di Directiva ta e importancia di implementacion di un strategia cu lo stimula e desaroyo di turismo duradero pa e islanan, creando chens pa Hulanda Caribense por sali for di e retonan ku e pandemia a trese cune, cu un enfoke mas grandi riba ekonomianan berdy blauw.
Fuera di e managernan di conservacion y e diferente expertonan di e Directiva di DCNA tabatin participacion tambe na e ultimo reunion di Directiva di DCNA aki, di opservadornan di parti di Fondo Mundial pa Naturalesa na Hulanda (WWF-NL), di e Union Internacional pa Conservashon di Naturalesa (IUCN-NL), BirdLife Hulanda, Observation International y e Ministerio di Agricultura, Naturalesa y calidad di Cuminda (LNV).
E siguiente Konvenshon di DCNA ta planeá pa 22-24 di november na Korsou. E convencion di DCNA no tin solamente e Reunion di Direktiva riba agenda, pero tambe diferente tayer pa e organisashonnan di areanan proteha di e seis islanan di Hulanda Caribense, treciendo huntu institutonan científico, stakeholdernan y embahadornan hubenil di naturalesa local huntu pa intercambio di conosemento y desaroyo di capacidad.
Leave a Reply