Director di Departamento di meteo, sr. Dave Bakmeyer ta comparti riba e dia 23 di maart caminda meteorologia ta celebra nan dia internacional. Sr. Bakmeyer ta remarca e importancia di clima rond mundo.
Un cos cu sr. Bakmeyer ta menciona ta cu hopi hende ta kere nan ta specificamente duna e tempo, pero nan ta haci mas cu esey por ehempel intercambia informacion di oceano, cu ta un di e bron cu ta influencia tempo rond di mundo.
E trabou cu nan ta eherce y duna servicio caminda nan ta predici e tempo, e temporada di horcan cu nan ta tene cuenta cune pa asina manda e informacion necesario pa publico. Ora tin bientonan fuerte y cambionan den lama.
Nan ta duna conseho importante ora cu cualkier peliger cu ta presenta sea na lama bruto, bientonan duro, ora tin mal tempo y cualkier situacion cu nos medio ambiente. Sr. Bakmeyer ta bisa cu nan departamento ta traha henter e 24 ora di dia y 7 dia pa siman.
Nan tin nan ekipo up to date pa asina keda core manera mester ta pa yuda cu informacion y nan keda mantene e instalacion cu ta yuda den diferente aspecto pa mantene record pa nan por sigui cu nan datonan di tempo.
“Pa locual ta trata e aña aki, a wak hopi cambio den clima. Despues di tempo di horcan na 2020, por bisa cu pa 2021 por tin un expectativa di kico por bay bin. Hurricane Center ta mantene vigilancia pa mei, pero ta premira lo cuminsa na juni, pero lo keda informa.”
Pa finalisa, sr. Bakmeyer ta manda un palabra di pabien pa tur esnan cu a traha y ta trahando pa e trabounan cu meteorologia y cu nan ta haci nan esfuerso pa mehora e labor cu nan ta haci tur aña. Nan ta pidi pa keda pendiente di e ultimo desaroyo y ta prepara pa tur locual bin.
Leave a Reply