Un tormenta poderoso ta acerca e costa este di Merca y por yega te cu 45cm di sneeuw na New York

Ta spera cu e ciudad di New York y region rond por experimenta impacto di tormenta invernal. Te cu diamars, e pronostico poderoso lo trece entre 30 y 45 cm di sneeuw y biento di te cu 72 – 80kmh.

Cu sneeuw y biento fuerte, ta posibel pa produci condicion di ventisca, segun oficina di Servicio Meteoroligico Nacional di New York, ta spera cu e impacto mas fuerte lo pa e ciudad y por cay 2.5 pa 7cm di sneeuw pa ora.

E alcalde di New York, Bill de Blasio, a insisti cu residentenan lo mester keda cas durante e tormenta. E afspraak di vacunacion di Covid-19 lo keda reprograma. Mas di 110 miyon di Merca lo sinti efecto di e tormenta.

E gobernador di New York, Andrew Cuomo a ordena na agencia estatal pa movilisa e recurso di contesta di emergencia. E gobernador di New Jersey, Phil Murphy a declara estado di emergencia pa 7pm.

E centro di operacion di emergencia a activa y agente ta cla pa yuda segun ta necesario. Ta spera corte di electricidad y autoridad estatal ta den contacto cu compania di servicio publico pa nan preparativo pa tormenta.