Pais Aruba y sigur husticia mester ta un prioridad Resultado y escogencia di e pueblo ta conoci y sagrado y na su luga pa desea e siguiente gobernantenan y representantenan di pueblo e forsa y intencion corecto pa traha na bienestar y recuperacion di nos pais Aruba.
Incertidumbre ta reina grandemente riba nos isla pa mira kico lo ta e rumbo cu nos gobernantenan lo bay tuma y con ta bay yuda economia y demas sectornan den crisis cu tin cu haya tur e atencion y tur esaki den bon harmonia y colaboracion cu nos partners den Reino.
Ta spera cu esaki y nada otro cu esaki, lo ta e prioridad di esnan cu ta bay sigui cu e tarea otorga.Lo kier mira madures politico sobresali caminda cu nan por compronde cu nos situacion ta critico, cu mientras ta mira otro como contrincante politico, na e momento aki no tin espacio pa esaki.
E focus y energia di e politiconan encarga cu guia di nos pais, mester ta awor caminda esaki ta mas necesario cu nunca. Diferencia di partido y idiologia no mester ta bo oponente politico, nos ta den un crisis di un embergadura nunca antes riba nos isla.
Nos unico oponente mester ta e pobresa den pueblo, falta di husticia, falta di dialogo, crimen, falta di proteccion pa nos muchanan, problema social y asina ey por menciona hopi mas cu mester di nos maximo atencion. Na e persona cu lo haya e engargo pa cu e cartera di hustcia, lo desea pa e ta digno, intachabel, integro, capacita y cu ta gosa di e confiansa y respet di e Cuerpo/Departamentonan cu lo tin cu confia den e lidersgo y plan concreto pa restructura nos husticia.
E liderasgo y plan cu ami lo a representa dignamente y sin duda alguno. Kier mira un persona cu lo haci lo corecto pa sirbi e pueblo, trece confiansa bek den husticia, y traha incansablemente pa rescata tur locual nos a bay atras den husticia. Tempo ta dificil pero pa Dios nada ta imposibel.
Leave a Reply