Mi kier a cuminsa na bisa:- Danki na Sra. Evelyn Wever-Croes y pueblo di Aruba pa e oportunidad di por a sirbi como un miembro di parlamento di Aruba. – Como ser femenino den politica sigur mi kier a felicita Sra. Evelyn Wever Croes cu su logro como votegetter cu 7,518 voto personal y tambe Sra. Marisol Lopez Tromp.
E ta yenami cu orguyo di wak mas ser femenino wordo reconoci pa nan trabou incansabel.
– Maneha un pandemia no tawata algo facil, y mi kier a expresa mi respet pa e forma con a maneha esaki.
– Un danki na tur esnan cu a kere den mi persona y cu a sa di aprecia e trabou y transparencia cu mi a desplega y a confirma esaki mirando e sosten brinda den ultimo eleccion. Mi semper lo keda traha pa mi isla sea den politica of no.
– Un danki grandi ta bai na tur esnan cu ta traha den parlamento, sin cual nada no por wordo hasi
– for di nos Griffie, Archivo, Financieel beheer, Management team, notulist, staff y personal, y sin lubida e damas balente cu ta percura pa nos semper.
– Un danki di curason na un y tur, na coleganan di parlamento nr 10 y deseando parlamento 11 y e proximo coalicion hopi exito, curashi y sabiduria mirando e periodo dificil y e retonan grandi nos dilanti.
E tawata un honor y un placer di por a sirbi como representante di Pueblo. Mi ta spera cu semper lo tene e bienestar di nos hendenan na curason y cu lo sigui lucha pa hiba nos isla dilanti.
Leave a Reply