Nos por a compronde cu opositor politico di AVP ta trece dilanti por medio di nan radio comprometi cu e gobierno actual, na momento cu pasa e ley Toezicht Kansspelen esaki lo nifica cu tur trahador di Casinowezen lo ser kita di trabao.
Esaki ta incorecto y sigur ta di lamenta cu prensa ta trece noticia cu e unico meta pa crea rabia y division den un puyblo cu awo mas cu nuncaa mester ta uni pa por sali dilanti. E ley di 2014/2015 Bao di Gabinete Mike Eman 2, bao encarga di ex minister di husticia sr Arthur Dowers a entrega na parlamento e concepto di ley aki cu nos lo tin di atende bao Gabinete Evelyn Wever-Croes.
Den e ley di ex minister di husticia y actual parlamentario di AVP sr Dowers den articulo 63 di e ley ta duna e trahador 12 luna di terbeschikkingstelling stelling unda cu si un trahador despues di esaki dicidi di no bai traha cu e autoridad nobo aki y no haya un posicion cu ta pas cu su funcion, e trahador lo haya un extension di maximo 12 luna y na final di esaki si no logra haya un funcion e lo ser retira di trabao dentro di 3 luna.
Y sigur den bista di e schalering di e trahadornan y nan edad esaki lo ta casi imposibel cu nan lo por ser aloca den gobierno, unda esaki lo a nifica cu despues di 2 aña un grupo di alrededor 40 tata di famia na un manera cruel bao di e ley di gobierno di AVP lo a ser retira.
Proposicion actualDespues di a sinta cu Minister di Husticia sr Andin Bikker , su persona a entrega un nota di cambio unda ta extende e 12 luna di terbeschikking stelling aki pa 24 luna y unda e grupo lo tin un maximo di 36 luna prome cu e haya su eervol ontslag pues despues di 36 luna ta ser retira di trabao.
Sindicato a vocifera cu no ta di acuerdo pa esaki y sigur den bista di e edad di e trahador y añanan di servicio lo ser perhudica. Y analisando e grupo di edad cu e cambionan proponi door di e Minister Andin un grupo di alrededor 30 hende lo por ser retira ainda cu e cambio aki y e pregunta ta con lo percura pa e grupo aki cu ta bai cas man bashi y ainda faltando algun aña pa penshun lo por sobrebibi?
P’esey nos di Parlamento a haya e propocicion di sindicato pa 60 luna hopi mas husto y unda despues di esaki lo keda un grupo minoritario cu kizas ya durante e proceso debi na nan edad lo a integra caba den e autoridad aki y asina di un manera natural e departamento di Casinowezen ta yega su final.
Pues nos di Parlamento di niun manera lo permiti pa un ley traha alo Machiavellico pa partido AVP perhudica e trahador y sigur Minister di Husticia sr Andin Bikker ta na altura di posicion di Parlamento y unda cu den momentonan aki no ta oportuno pa perhudica e grupo aki cu ta serca di penshun pero cu precisamente mirando nan edad lo ta casi imposibel pa e grupo aki haya un otro trabao, unda cu nos mes structuralmente lo ta hincando e grupo aki den un situacion hopi precario y esaki hamas por ser permiti.
Leave a Reply