Parlamentario Endy Croes: Mike Eman un politico sin gevoel, Mike a menosprecia 7000 votador y awe ta cana rond cu un cara di coco

Parlamentario Endy Croes ta amplia cu un voto pa Mike Eman ta un voto benta afor. Na 2017 Mike Eman a malgasta placa di pueblo entre otro a usa 142 mil florin di pueblo pa celebra su cumpleaños 1 di september riba brug na spaanslagoen pa asina gana votos den porta di elecion.

Asina Mike Eman a cana rond Aruba cu batayon di homber y muhernan riba payroll di gobierno pa busca votos. Den su oficina so e tabata tin 147 miembro riba payroll mientras como gobierno nan tabata tin mas di 400 coordinador kendenan a cobra 201 miyon florin na salario den 8 aña. Hopi di nan nunca a presenta na pia di trabou. Hopi tristo.

Mike Eman a bira lomba pa su votadornan:
Despues cu pueblo a bira lomba pa AVP unda AVP a bay atras cu 10 mil votos durante elecion na 2017 Mike Eman a coy un postura di “rabia” y a castiga su propio votadornan. Momento 7000 persona kendenan a deposita tur nan confiansa plenamente den Mike Eman y a kere cu Mike Eman lo asumi su responsabilidad den Parlamento como nan portavoz a resulta cu Mike Eman a escohe pa tuma tur hasi “chambon” y a bay biba lekker den su penthouse den Marisol building cual ta situa riba e oficina di Digicel dilanti e busto di Eman.

Mike Eman a escohe pa bira lomba pa su votadornan. Mike Eman na un manera sin gevoel a core regla su overbruggingstoelage pa su mes. Pues Mike Eman a cobra 12 luna largo su salario di Promer Ministero sinta pia riba otro den su Penthouse mientras su votadornan a perde contacto completamente cune.

​Mike Eman debe pueblo un disculpa:
Mike Eman a percura bou su maneho pa redobla debe nacional di Pais Aruba esta di 43% na 2009 pa 93% na 2017. Mike Eman a percura pa redobla interes riba placanan presta unda Aruba a paga na 2019 un total di 232 miyon florin solamente na interes riba placa cu Mike Eman a presta.

Esaki ta igual na 360 mil flroin pa cada dia. Mike Eman a sera wowo y laga x Minister Paul Croes corumpi nos pais ( caso IBIS). Mike Eman a sera wowo laga Benny Sevinger cu Leoncita su best friends “horta” terenonan di pais Aruba bendiendo esakinan pa enrekese un grupo di amigo (caso Avestruz).

Mike Eman a sera wowo y laga Richard Arends y Mike De Meza “corumpi” RDA na un forma cruel. Mike Eman a sera wowo y laga su amigonan intimo Patrick Paskel y Speed “horta” RDA al estilo Al Capon.

Mike Eman a sera wowo y laga Donny Rasmijn su esposa cobra riba mei miyon den RDA na un forma coruptivo. Mike Eman mes a ricibi diferente transferencianan dudoso di sumanan di 50 mil us dollar. Mike Eman por ultimo a baha na awa bay sconde sin representa su votadornan.

Awe cu elecion ta den porta Mike Eman a resucita y a cuminsa bishita cas, bay tur entiero, bishita casnan di nos grandinan, drenta iglesianan despues cu e tabata 3 aña spoorloos. Mike Eman debe su 7000 votadornan y pueblo di Aruba un disculpa formal y oficial.

Cu ki cara Mike Eman kier pidi Bo voto di confiansa despues di a masacra Aruba y a bira lomba pa Bo? Un hende cu cara di COCO solamente por actua di e forma aki. Pesey pueblo ki ora Mike yega Bo cas puntre riba tur e casonan aki y bise te aki Mike. Nunka pero nunka mas AVP!

Leave a Reply

Your email address will not be published.