Atraco arma riba Sunflower supermarket. Diamars anochi pa mas o menos 10:04 pm central di polis ta wordo notifica di un atraco cu a caba di tuma luga na Sunflower Supermarket situa na Tanki Leendert.
Na yegada di patruya di polis por a compronde cu un rato prome 4 hende homber lo a drenta e supermercado y atraca e dicho lugar aki. Un di e atracadornan lo mester a maltrata un di e trahado den e supermercado.
E atracadornan a papia papiamento y un di nan tabata tin un objecto sea ta cuchiu y of machete. Tur 4 sospechoso tabata tin carson preto bisti, sweater y cu capuchon. Nan a bay cu mas o menos 1000,- florin y 4 boter di Hennessy.
Tur 4 sospechoso a huy na pia direccion zuid. Diferente unidad a cuminsa cu e buskeda pa e anti-socialnan aki. Atraco team, polis technico y slachtofferhulp tambe a presenta na e sitio. Ken cu a wak algo of sa algo por yama e tiplijn di polis cu ta 11141
Leave a Reply