Recherche di Oranjestad a detene 4 persona y a confisca entre otro droga y arma di candela

Awe mainta team di recherche di Oranjestad (DAR1) conhuntamente cu diferente team di Cuerpo Policial a haci un entrada hudicial na un cas na Caya Bohi.Aki e team di recherche a bin detene 4 persona incluyendo e persona cu nan tawata buscando di inicialnan A.G.J. V.d.L naci na Aruba di 18 aña di edad.

Na e cas a confisca entre otro droga y un arma di candela (pistool).Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo.