Prome minister sra. Evelyn Wever – Croes a duna conferencia di prensa caminda el a comparti algun punto, un di nan ta e punto di e 12.6% cu e sector publico ta entrega. E ta bisa cu Hulanda a pidi e contribuicion aki pa asina nan por keda manda e ayudo financiero.
“Nos ta sigui depende di Hulanda, nos tin cu sacrifica y keda cumpli. Mi ta pidi pa tur trahado den sector publico sigui aporta boluntariamente”, e mandatario a expresa.
E otro tema cu prome cu el a comparti ta e asunto di landspakket. Dia 13 di november nan a bay acuerdo cu Hulanda pa yega na remarke pa e financiamento pa cuada cuartal cubri gasto te ora cu yega e punto cu no mester e placa mas.
Awe 1 di februari lo tin e plan di ehecucion di diferente punto den e landspakket. Nan tin varios area pa fortifica manera estado di derecho, husticia, frontera, mehora e maneho financiero. Mehora e sistema di impuesto y leynan. Den e cuido pa traha hunto a base di cooperacion y mehora calidad di trabou.
Tambe ta conta den area di enseñanza pa mehora esaki y percura pa tin aansluiting den enseñanza y laboral despues. Pa mehora e situacion den sector di trabou publico y semi publico.
“Awe nos ta firma e uitvoering agenda cu a wordo prepara pa cada diferente departamento den gobierno di tarea di tijdelijk werk orgaan di Aruba y Hulanda pa palabra e velocidad di planificacion pa cumpli cu tur exigencia. Cada minister lo duna mas detaye riba nan area”, el a bisa.
Tambe e mandatario a bisa cu pais Aruba ta pasando na un di tres ola. Pa e motibo aki a dicidi di sigui cu prolongacion di medida awo cu tin mas conocemento riba e variante Ingles. Nan ta conseha pa e parti grandi di riesgo den comunidad tuma e vacuna.
Esey ta e grupo vulnerabel di riesgo pa no dal asina duro y end up na hospital. Segun e mandatario ta bisa cu conseho di dokter ta pa tin mas proteccion ora cu e haya virus, sinembargo no ta obliga pa ningun ciudadano pero ta haci apelacion pa sigui cuida nos mes.
Leave a Reply