Arthur Dowers: Maneho di despedida pa gobierno

Awe mainta durante un conferencia di prensa, parlamentario di fraccion AVP, sr. Arthur Dowers ta papia di e maneho di despedida di gobierno, caminda e ta bisa cu ta señala cu pa ‘friends & family’ lo keda acomoda of yuda.

E ta bisa cu ta di lamenta mirando cu esnan cu ta operando pa e pais ta manehando Aruba na e momento aki pa firma y nombra hende pa nan tin puesto ‘firma e vutregeling’.

Segun sr. Dowers ta bisa cu gobierno a cuminsa e opleiding pa hurista, cu nan no tin consehero legal y ta dunando nan vut. “Con ta posibel pa baha gasto y ta regla vut pa friends and family.”

E ta bisa cu esnan cu ta gobernando ta haciendo tur cos robes. “Con por ta posibel cu tin primonan bou departamento cobrando 10.000 y hobennan studoa cu preparacion no tin trabou. Famia aki ta cobra mas cu tur director, frontliners. Imposibel pa e cosnan aki pasa den pais.”

Di parti sr. Dowers, e ta bisa cu minister di husticia no ta haciendo di pais tur e promesanan cu a haci, ‘nada no a cumpli’. “Ta bezig cu e prison nobo mas cu 15 aña, pero esey no ta confronta cu e realidad di mal maneho.”

E ta bisa cu un prison nobo no ta e solucion, e ta alivia pero e ta mas complica pa pone un programa y no por keda sconde tras di un prison bieu ‘e prioridad ta robes’.

“Plan traha, pero nada ehecucion, no ta mira progreso. Nada no ta cambia. Ta keda bay atras so. Ta priminti pero no ta cumpli. E nombracion di famia y frinds ta keda bin pero esey no ta kita probresa of hamber cu tin.”

Leave a Reply

Your email address will not be published.