Durante un conferencia di prensa di partido AVP, parlamentario sra. Mervin Wyatt Ras ta comparti riba e ultimo casonan di abuso sexual y maltrato cu ta keda aumenta y no ta mira cu gobierno ta haci nada.
E ta bisa cu varios momento a pidi pa minister di asuntonan social pa bin dilanti pa asina splica cua ta e trabounan cu nan di gobierno ta haciendo. Tambe a pidi pa prome minister splica tocante e ley di 5 minuut, pero no presenta esaki.
Sra. Wyatt Ras ta bisa cu gobierno a bisa cu lo bin cu diferente cambionan ‘nan a priminti’ pero no ta mira cambio. “E impacto riba abuso sexual di nos menornan ta devastador, den famianan cercano e ta pasa y mester wak e importancia di señalnan aki.”
E ta bisa cu un menor di edad su bida ta keda afecta y ta bin cu consecuencianan manera tin berguensa, ansha, depression, e ta desaroya otro problema di comportacion pa motibo cu no ta sinti ta dune sosten of tin berguensa. No tin confiansa riba otro persona.
E mucha por bira agresivo, fresco, y na grandi e ta keda cu tur e problema nan aki sin expresa y tin influencia pa sigui busca problema riba caya, of bay cu pareha den edad trempan, busca refugio di droga of otro cosnan cu por ta malo p’e.
Tambe na grandi por haci daño na curpa, mester bay psicologo of un psikatria pa motibo cu no tin gana di biba y ningun hende a tende su problemanan. “E importancia pa bin den sistema un bon ayudo y pa tin programa di prevencion pa fortifica nos hoben.
E ta bisa cu ayudo den sistema social ta keda importante. Tambe a menciona riba e inicio di programa safety code pero no a keda realisa ‘e no a bin na vigor’ esey ta importante pa ora un profesional tuma nota di un caso di abuso, pa e profesional sa kico pa haci y ki stap pa tuma.
Leave a Reply