Durante un conferencia di prensa, minister di husticia, sr. Andin Bikker ta menciona puntonan cu lo bin pa Aruba, manera e protocol pa reinforsa frontera di Aruba. E mandatario a bisa cu a yega un acuerdo cu Hulanda conhuntamente cu minister Xiomara Maduro en cuadro e ley di kunswacht.
El a bisa cu di parti di reino lo inverti 30.5 miyon euro cu lo bay pa proteccion di frontera y cooperacion pa asina tuma pasa riba tereno di nos frontera, esaki ta encera guarda costa, polis, guarda nos costa y tur otro departamento di concerni cu lo keda inverti den nan.
Di parti minister, e ta bisa cu hopi biaha ta papia di diferente plan pero pa motibo di falta di fondo ‘retonan financiero’ ta pone cu nan no por eherce un plan, mirando cu awo mas cu nunca ta confronta cu retonan financiero, e pakete cu Hulanda a dicidi pa bay di acuerdo cune y por duna contenido.
Di parti di e fondonan cu a pone tambe ta cay ‘diensten di OM’ concerni pa KPA leiding, commissaris, IASA den e protocol cu Hulanda, tambe ta pa trabou di e situacion cu tin cu Venezuela y efectonan pa Aruba.
Un otro punto cu e mandatario a menciona ta e ley cu lo pasa pa parlamento. E ta splica cu e pandemia aki a pone cu cantidad di famia a confronta cu retonan di maneho di debe, famianan cu ta mara na un loonsubsidie of fase, persona cu a perde nan trabou of nan entrada mensual a baha, dus e gastonan ta bira mas.
Persona cu prome cu e pandemia a cumpra cas of auto, mirando cu nan no a pensa cu pandemia lo dal nan economia. “Hopi biaha nos ta haci estudio di entrada di un hogar y gastonan. E buffer ta cu poco reserva financiero di cosnan cu por produci.”
E ta bisa cu e ley di iniciativa ‘schuldssanering’ ta pa persona cu diferente problema pa paga debe. E ta bisa cu ta tarea di gobierno pa atende cu esaki. E ta bisa cu lo tin cu werkschuldssanering, ley den parlamento pa adopta esaki y traha un concepto di dje.
E ley di ‘hulp schuldssanering’ lo yuda e situacion pa maneha persona cu tin demasiado debe y no sa con pa sali di nan situacion. E ley aki a trate y lo pone prioridad mas pronto pa asina lo keda finalisa pa e yega parlamento pa por eherce esaki.
E mandatario ta bisa cu e prome trajecto ta e debe problematico, caminda un mediador y schuldhulpverleners ta bay sostene pa traha un plan habito social pa refinancia e debe pa mas abou, baha e suma of ta anula contract. Nan lo pone e persona bay un caminda unda e huur ta menos of menos gasto.
E di dos trajecto ta e sanering credit, un instituto caminda e persona lo por paga mensual e suma cu por yega na su alcansa pa paga mirando cu e pandemia y por atende cu esey. “Tin instrumento huridico den ley, den e caso cu persona por haci peticion pa minimo 6 luna freeze e periodo pa asina e por hala un rosea financiero pa e por sigui atende cu debe.
Leave a Reply