Enseñansa mas cu nunca mester un hende capacita y bon prepara y cu tin conocemento di locual a bin ta pasa e ultimo añanan den enseñansa. Enseñansa mester un persona cu ta bin di e mundo di enseñansa pero sigur un persona cu na e momentonan aki por garantisa di trece trankilidad y confiansa bek.
Y den esaki e ta na nos como docentanan pa scoge un representante cu nan sa cu ta habri pa dialogo pero sigur t’un hende cu lo terece cambioinan necesario p’ eleva nos nivel di enseñansa pero na un manera structura y bon prepara unda cu nos professional ta involucra den e proceso, pero sigur ta aporta cu nan conocemento y nan experencia.
Inventarisacion total di EnseñansaProme paso cu tin di ser tuma ta un inventarisacion total di enseñansa. Cuerpo di docentanan tin e derecho di sa n’un manera transparente kico tur a ser haci e ultimo añanan.
A base di e inventarisacion aki lo saca afo tur locual ta bon lo sigui, pero tur cambio cu a crea polemica of a empeora e situacion di enseñansa lo ser para y unda esakinan lo ser studia y na un manera structura y hunto cu e conocemento y experencia di nos docentanan lo haci cambionan nesecario cu lo crea un impacto rapido riba nivel di enseñansa na Aruba.
Cambionan hunto cu dialogoNos tur como docente ta conciente cu mester bin cambio den nos curiculo, maneho di idioma, amplacion di om-, her- en bijscholing pa adulto, upgrading y cuido di docentanan y sigur reorganisacion total di Departamento di Ensenansa pa por aloca n’un manera imparcial di hendenan cu conocemento di Enseñansa.
Pero lo mas importante den tur cambio, ta cu mester tin dialogo continua cu e actornan di enseñansa p’asina nan por duna nan aporte y asina e cambiona por ser carga pero nos por ta sigur cu esaki ta ser ehecuta y unda cu nos nivel di enseñansa lo ser eleva rapidamente.
Pakico un persona di Enseñansa den poder ehecutivo?Como parlamentario bo rol ta diferente. Decisionan cu ta ser tuma pa enseñansa no ta pasa den parlamento, pero den e stul ehecutivo y una bes cu esaki ta cla caba ta esnan cu ta traha den enseñansa ta ser afronta cu esakinan y ta nan t’esnan cu ta informa nos como parlamentario di e cambionan haci den e stul ehecutivo.
Hopi ta bisa cu nos ta e organo cu ta controla cu ta berdad pero mas bien nos rol ta pa controla gobierno cu nan ta cauteloso cu placa di pueblo y percura pa tur ley cu drenta ta respeta derecho di hende pero sigur cu nan no ta perhudica niun cuidadano.
Pa locual ta maneho esaki ta den man di e poder ehecutivo cu ta e minister. Esaki ta haci mas urgente pa e cuerpo di docentanan hasi un bon escogencia pa e eleccion nos dilanti si nan kier nan representante ta den parlamento of den un stul ehecutivo.
Dia 25 juni 2021 lo marca e fecha unda cu nos docentanan tin den nan man e poder pa pone nan confiansa den un persona capasita y cu conocemento di nos sistema escolar y lo mas importante un persona cu lo trece confiansa y trankilidad bek den enseñansa cu ta hopi urgente si nos kier trece cambionan real den enseñansa na beneficio di nos muchanan. Awo ta ora di Enseñansa!
Leave a Reply