Cu enfoke pa San Nicolas y problemanan social cu tin den comunidad. Erich Jacinto Genser ta un otro politico hoben riba lista di Partido MEP. E tin 37 aña y ta casa cu Ghislady Genser-Angela y hunto nan tin 3 yiu.
“Kisas mi no ta un profesional den tur area pero mi curason ta pa Aruba pa un Aruba fuerte, uni y stabiel. Un Aruba unda cu cada un ciudadano ta duna di su banda pa completa loke falta. Un comunidad consciente y presente na tur momento. E motibo cu mi a scoge pa forma parti di Movemiento Electoral di Pueblo ta pasobra den un momento asina dificil cu henter mundo a pasa aden, MEP a demostra cu e ta traha pa e bienestar di pueblo cu nos den mente, pa cu futuro y stabilidad como pais.”
El a gradici na prome luga Dios pa e oportunidad cu e ta dun’e aworaki cu e ta cuminsa un careda politico, na famia y na full team di MEP y nos lider Sra. Evelyn Wever-Croes pa acepta mi riba e lista.
“Como prome Minister Sra. Evelyn Wever- Croes a sa di goberna y dirigi e pais aki sublimemente. Lamentablemente a bin e pandemia cu a pone cu hopi plan y proyecto mester a wordo para. Mi tin hopi respet y ta admira con nos Prome Minister hunto cu e ekipo di MEP ta manehando e situacion di Covid-19.”
Leave a Reply