Partido Raiz, Accion 21 y PPA ta drenta oficial pa eleccion 2021

For di oranan di mainta di ayera, partido RAIZ ta anuncia cu nan a logra haya tur nan 587 firma pa por drenta oficial pa eleccion 2021. Sr. Ursell Arends, lider di partido ta duna un palabra di agradicemento pa pueblo henter y e team y tur esnan cu a firma.

Pa oranan di atardi, lider di partido Accion 21, Miguel Mansur, conhuntamente cu su team ta anuncia cu nan a logra nan firma pa forma parti oficial di eleccion 2021. E tambe ta duna palabra di danki na tur esnan cu a bay firma pa nan y awo enfoke ta informa pueblo di nan plan.

Pa casi 7:30 di anochi, PPP ta bira e di tres partido pa yega na e total di 587 firma necesario. Lider di PPA, sra. Lisette Malmberg ta bisa cu pueblo di Aruba tambe kier wak nan participa den eleccion dia 25 di juni y pa trece e cambio berdadero cu Aruba mester.

Tur partidota bisa cu ta trahando duro pa e programa di campaña y lo wak presencia di nan riba caminda, casnan, combersando cu pueblo. Tambe lo haci uso di innovacion respetando tur medida cu tin pa crisisteam. Tur partido a duna un danki enorme pa e sosten di pueblo y cu mensahe cu pueblo kier un cambio y mehoracion pa pais Aruba.

Leave a Reply

Your email address will not be published.