Partido UPP ta bay eleccion pa di tres biaha ya cu a lanta e organisacion na 2012. A bay dos eleccion caba di cual e di dos tabata den combinacion cu partido PPA.
E biaha aki UPP ta bay eleccion, pero cu lider nobo, Seraida Pemberton- Leonard, kende ta conoci manera e directora di Stichting Reclassering.
Sra. Pemberton-Leonard a bisa cu e ta sinti honra di por a bira lider di e partido y cu lo haci esfuerso pa sigui e trabounan cu UPP tabata haci.
E decision pa ta lider di partido y den politica ta despues di hopi deliberacion cu su famia y oracion. E ta acepta e reto aki pa traha pa Aruba ‘cu no ta un tarea facil pa gobernante’.
Sinembargo e ta bisa cu Aruba merece un cambio den gobernacion mas estricto, y Partido UPP semper a keda consistente den e cambionan cu nan kier mira como pais.
Tambe e kier wak un mehoracion den area laboral y social pa nos muchananm hobennan y nos grandinan.
Leave a Reply