Solucion ta cuminsa cu BO ACCION

Kico ta pasa ora hende ta bira desespera y no tin argumento pa defende nan actonan of di esnan cu nan ta sostene? Kiko esaki ta bisa di esnan cu ta lansa atake, ridiculisa, hasi asesinato di caracter y purba di un forma eroneo di influencia emocion di e cuidadano votador?

Particularmente si esun cu nan ta ataca no ta worry cu e atake pero ta hustamente señala e situacion actual y propone solucion?Esaki ta hustamente e tipo di politica tradicional y manipulativo cu ta balota nos cuidadano y considera nan como personanan sin caracter of di mente debil, crioyo bisa, pa hende bobo.

E ta mas bien un insulto pa e inteligencia di nos humilde pueblo.E ta keda na cada ken pa dicidi kiko nan kier kere y pakiko. Pero mi kier djies hasi un apelacion pa para keto un rato y sea critico y hasi e siguiente preguntanan prome cu husga a base di “informacion” (negativo) cu ta ser difundi:

– Ken ta difundi/distribui e informacion?

– Ki beneficio e persona tin difundiendo e informacion?

– E tin bienestar general di cada cuidadano na pecho, of tin beneficio partidista, of kier mantene su posicion/trabou of por tin cualkier otro beneficio personal/grupo?

– E informacion ta basa riba hechos of un meramente un ripiticion di un otro? A caso ripiti algo hopi biaha ta hasie berdad?

HISA E NIVEL DI POLITICA TA CUMINSA CU BO!

Sea critico, hasi pregunta, confirma hechos, compara programanan di partido, of tuma contacto cu e politico y lage splicabo. Hisa e nivel di politica di Aruba ta cuminsa cu BO! Rechasa politica negativo y di difamacion y pidi pa informacion y solucion.

TRAHA BOU UN BANDERA DEN UNIONAwor no ta tempo pa division – nos isla ta pasando den basta reto, y division definitivamente NO ta e solucion. Despues di dia 25 nos tur lo mester traha bou 1 bandera y den UNION sirbiendo nos Pais, no un partido y menos un politico – e politico tey pa sir

bi Pueblo.Hasi un escogencia consciente, bo voto ta importante y e ta haci un diferencia. E caminda pa solucion ta cuminsa cu BO accion!Siña mas di nos Programa di Partido: http://accion21.com/Solucion ta cuminsa cu BO accion!Si tin cualkier pregunta, comunica cu mi libremente via email: daphne.lejuez@gmail.com of via messenger of whatsapp: 592-5302