Despues di Toque de queda, OM ta beslag riba auto, salario y cuenta di banco

Despues di Toque de queda na Den Bosch y Eindhoven, e ministerio publico a incauta e cuentanan di banco di seis sospechoso, tambe a tuma den beslag dos auto y salario di un persona.

E dinero por ser usa posteriormente pa compensa e victima. “Ta un locura pa wak cuanto daño a haci na comerciante na e ciudadnan”, Heleen Rutgers, hefe di fiscal di Brabant Oriental.

“Nos ta kere cu ta importante cu esnan cu a causa e daño tambe asumi e responsabilidad, aunke no ta suficiente pa compensa e daño, esey ta e contribucion”, e ta splica.

Ainda nos no sa si e propiedad di e sospechosonan tambe a keda den beslag na otro region. Ministerio Publico y polis di Rotterdam ta trahando riba esey. “Sin duda e situacion lo sigui, nos ta observa examina enfaticamente e posibilidad di kico hende tin, locual ta bal la pena y kico nos por haci cune”, vocero di husticia a bisa.