Prohibicion di alcohol na park di Arnhem, Amsterdam y Tilburg ta cera park pa motibo di multitud di hende

Tin un prohibicion di alcohol na park Sonsbeek na Arnhem. E alcalde Marcouch ta anuncia e medida pa un di dos biaha e aña aki pa un grupo di hobennan cu no ta cumpli cu norma di coronavirus. “Nos a wak cu nan tabatin caha y consumi alcohol den exceso”, alcalde a bisa.

Un probelma adiconal, segun Marcouch, ta cu hende cu a bebe hopi alcohol ta dificil pa acerca na nan. E ta enfatisa cu e mayoria di persona ta cumpli cu regla di coronavirus, pero tin un grupo chikito ta daña pa e gran parti di e hobennan. Ayera e alcalde a considera introduci un prohibicion di alcohol, pero finalmente no a sigui. Marcouch a papia di comportacion egoista y ta pidi pa mayornan responsabilisa nan yiunan pa cumpli cu reglanan cu ta pone.

Mescos cu otro pais na mundo cu kier disfruta nan clima primavera. Amsterdam a cera Vondelpark debi na un gran multitud di hende. E spoorpark na Tilburg ta cera, e municipio di Tilburg ta poniendo extra siguridad priva pa asina tin orden di reglanan di corona y ta keda vigila e park.

Mescos park na Amsterdam, tambe tabatin otro actividad na otro ciudad. E park di e ciudad di Maastricht a keda evacua pa un gran cantidad di hende, tambe a cuminsa parti boet. Tambe persona a laga gran cantidad di sushi atras na Breda, Tilburg y Amsterdam.

Leave a Reply

Your email address will not be published.