Varios reaccion a bin dilanti ora cu AZV a bin for di 1 april 2021 pa e cambio den e lista di remedi, PR di AZV, sra. Solange Tchong a papia awe mainta durante un conferencia di prensa pa duna un splicacion di e lista positivo.
E ta bisa cu ta prudente pa duna splicacion na tur asegurado pa asina nan prepara nan mes prome cu bay consulta cerca nan dokter of specialista. Pa ora nan haya nan receta nan por puntra dokter ‘kico exactamente e ta of pakico e remedi ta bon, ki tipo e ta y con mester tum’e’.
E cambio mas grandi cu a bin ta e remedi cu ta cay bou di categoria di cuido propio. Asegurado mester referi na na e remedi cu ta bay haya si ta cubri y pa dokter informa esaki y ta skirbi un codigo na recept.
E lista positivo aki ta uno dinamico, caminda tur luna AGA Advies Comissie ta sigui desaroyo di e mundo farmaceutico cu ta adapta e lista dinamico y revisa tur luna pa adapta.
Di 1400 remedi cu tin riba lista a kita 240 remedi, cu e gran mayoria ta cay riba cuido propio. Un 50 remedi ta substancia y activo cu a bay den e criterionan. Nan ta remedi alternativo y mas barata cu por wordo usa pa malesa specifico.
E cambio grandi di remedi propio ta remedi cu por wordo cumpra ‘over the counter’. E ta keda na responsabilidad di pashent pa puntra su dokter di cas of specialista cu e remedi prescribi ta wordo cubri of no. Tambe na botica e mester haci mescos.
Nan ta duna un tip cu un remedi cu ta keda riba recept y ta over the counter ta probablemente as barata pa cumpra esaki, si nan bay botica y ta bay bou recept, e botica tin cu wak interaccion cu otro remedi of e uso, e botica por cobra un suma di placa. Un ‘over the counter’ no ta cobra ‘esey ta un tip pa pashent’.
Leave a Reply