Durante un conferencia di prensa Prome Minister Evelyn Wever-Croes a papia riba e decision tuma pa cuminsa suavisa e medidanan cu a pone algun luna pasa pa evita crecemento den contagio di covid-19/
E mandatario a bisa cu e situacion ta bayendo bon y ta mirando un luz na caminda pa drenta un etapa nobo. E cifra cu tin actualmente ta 96 caso activo. Y cu tabe tin 56% di nos poblacion cu ta vacuna. Aruba awo ta den codigo geel.
Gobierno ta bisa cu lo sigui haci esfuerso grandi pa logra yega na 85% di nos poblacion ta vacuna. Mirando e situacion ta controla, ta pone cu crisis team a yega na e conclusion pa flexibilisa e medinan.
Toque De Queda ta bay di 12or mey y caba 4:30am. Orario di ciere ta bira 11am. Samenscholing d mas cu 2 hende hunto riba caminda, ta wordo elimina. Pero ta pidi pa sigui usa tapaboca. Gebiedsverbod si ta keda existi, no por ta riba luganan publico despues di 7.30 di anochi.
Na restaurantnan e cantidad di personanan na mesa paden ta 8 y pafo ta 10, pero sigui reglanan y no ta permiti bailamento. Encuentronan familiar ta permiti, cu un maximo di 30 persona paden, basta cu tin espacio, y pafo te 60 persona ta permiti.
Contact sport por tuma luga, pero bou di 18 aña. Ainda conseho ta paden sin eventonan deportivo sin publico y pafo 60 hende. Musico ta cinco persona riba scenario y mester percura pa no tin bailamento. Entiero por tin maximo 60.
Actividadnan publico y politico, ta segun reglanan di Crisis Team. Ta conseha pa mantene distancia. Si cifranan sigui baha, lo por sigui flexibilisa medidanan. Pero si cifranan subi, no avansa cu vacunacion y cantidad di hende interna subi, lo mester escala medidanan atrobe.
Leave a Reply