Ghana a ricibi su prome entrega mundial di vacuna contra coronavirus for di iniciativa COVAX respalda pa Nacionnan Uni, e comienso tan spera pa un programa cu pa awo no a cumpli speransa di garantisa cu vacuna wordo administra lihe na persona mas vulnerabel di mundo.
E yegada di 600.000 dosis di e vacuna AstraZeneca na e pais di Africa Occidental ta marca e comienso di e mayor operacion di adquisicion y suministro di vacuna di historia, segun organisacion mundial di salud y UNICEF.
Esaki ta un esfuerso pa pone fin na e pandemia y a keda aclama manera prome biaha cu mundo ta entrega un vacuna hopi busca na paisnan mas pober durante un brote.
“Awe ta marca e momento historico pa locual nos a planifica y traha duro. Cu e prome envio di dosis, por cumpli cu e promesa di instalacion di COVAX pa garantisa cu persona di paisnan menos rico no keda atras den e situacion di vacuna y salva bida”, Henrietta Fore a bisa, kende ta directora ehecutiva di UNICEF.
Leave a Reply