Pfizer ta anuncia cu nan vacuna di Covid-19 ta sigur y proteha na muchanan di 12 aña, un paso pa e posibilidad di cuminsa cu e vacuna na e grupo di edad cu ta bayendo bek scol.
Mayoria di vacuna Covid-19 cu ta implementa na henter mundo ta pa adulto, cu tin e riesgo halto di contrae e coronavirus. E vacuna Pfizer ta autorisa pa muchanan mas grandi di 16 aña di edad.
Pero pa vacuna e muchanan di tur edad lo ta fundamental pa stop e pandemia y yuda e scolnan, e gradonan superior y cuminsa wak e normalidad despues di varios luna interrupcion.
Na un estudio di Merca, boluntario di 12 pa 15 aña di edad a mustra dato cu no tabatin caso di Covid-19 entre adolescente completamente vacuna en comparacion cu esnan cu a ricibi nan inyeccion.
Den otro estudio (ainda no publica) tin otro evidencia importante cu e vacuna ta traha lihe den e sistema inmunologico di e muchanan. E investigadornan ta informa nivel halto di anticurpanan cu ta combati e virus.
E muchanan tin efecto secundario similar na adulto hoben. E principal efecto secundario ta dolor, keintura, y fatiga, specialmente despues di e di dos dosis. E estudio lo sigui e participante durante dos aña pa asina obtene mas informacion di proteccion y sigurdad.
Dr. Phillip J. Landrigan di Boston College a bisa cu resultado ta alentador. Pfizer y nan socio aleman BioNTech ta plania pa e siguiente siman por puntra Merca, e administracion di alimento y medicamento y nan reguladornan Europeo pa laga e uso di emergencia di inyeccion na muchanan di 12 aña di edad.
Pfizer no ta e unico compania pa busca reduci e limite di edad pa nan vacuna. Tambe ta spera e resultado di Merca di e vacuna di Moderna pa hobennan di 12 pa 17 aña di edad.
E ta un señal prometedor, y FDA ta permiti pa ambos compania cuminsa estudio na Merca na muchanan di menos di 11 aña di edad, habriendo caminda pa te cu muchanan di 6 luna.
AstraZeneca a cuminsa cu un estudio di nan vacuna pa hobennan entre 6 pa 17 aña di edad na Inglatera. Johnson & Johnson ta den plan pa nan tin nan mesun estudio pediatrico. Na China, Sinovac ta anuncia cu nan a presenta dato preliminar na regulador Chines cu ta mustra cu e vacuna ta sigur na muchanan te cu 3 aña di edad.
Leave a Reply