Scientificonan ta hasi un yamada urgente pa investiga si e mutacion nobo por scapa di e imunidad anterior.
Inglatera ta preparando pa prohibit viaha pa Brasil pa motibo di preocupacion pa importa e variante nobo aki. E movimiento aki ta pa motibo di e aumento drastico di casonan na Manaus, Brasil, un di e ciudadnan cu tabata serca di herd immunity di e prome ola.
Estudionan publica ta sugeri cu 76 porciento di poblacion na Manaus a haya e virus caba durante e prome ola cual lo mester limita e transmicion di coronavirus pero nan a mira un subida inespera di contagio nobo e ultimo luna aki y a declara estado di emergencia como cu hospitalnan ta na maximo capasidad.
Un estudio nobo hasi pa un ekipo internacional di expertonan cu ta inclui scientificonan di Imperial College y Edinburgh University a nota cu 41% di casonan na Manaus ta ser ocaciona pa e variante nobo di e virus. E mutacion di e virus aki ta haci cu e por ser transmiti mas fasil y evadi e sistema immunologico.
Secuenciamento genetico ta mustra cu por lo menos un persona cu a haya e virus caba durante e prome ola a ser infecta di nobo cu e variante nobo aki. Scientificonan ta adverti cu tin un subida di contagio drastico caminda cu antes e nivel di contagio tabata hopi halto. Nan a bisa cu ta esencial pa investiga si ta existi un riesgo di infeccion di personanan cu ya a haya e virus.
Professor Sharon Peacock, director diCovid-19 Genomics UK Consortium a bisa cu e variante di Brasil ta preocupante pasobra e ta comparti e mutacio N501 cu variante nobo di Inglatera cu nan ta kere ta subi riesgo di contagio entre 50 y 70% y cu e tin tambe otro mutacionan cu ta stop e anticuerponan di hasi nan trabou.
Felipe Naveca, director di centro di estudio na Fiocruz Amazona basa na Manaus ta adverti cu si e mutacionan aki ta conferi cualkier ventaha selective pa trasmicion viral nos ta spera un subida den e frecuencia di transmicion di e mutacion nobo aki na Brasil y resto di mundo den e lunanan cu ta bin.
Leave a Reply