E helicopter Ingenuity a completa cu exito su vuelo historico na Mars y a yega na un forma sigur na e superficie. Segun informacion di NASA, e prome vuelo controla y propulsa na otro planeta a tuma luga 3:30am, ora di Miami.
Na diferencia di ora cu e biahe di helicopter, e rover Perseverance a yega Mars, 18 di february. E ekipo di helicopter tabata den control di e mision na Laboratorio di Propulsion na NASA, Pasadena, California, pa asina ricibi y analisa e prome dato di Ingenuity.
Ingenuity a realisa un test di velocidad halto pa 10 di april, pero secuencia di comando a caba pa motibo cu a expira un temporizador di vigilancia. E final di test a pasa ora cu helicopter tabata purba di cambia e computer di modo avion.
E ekipo di helicopter a determina un coreccion di ahustacion di secuencia di comando cu lo altera e tempo ora cu dos controlador di vuelo di helicopter cuminsa, esey lo facilita e transicion di verificacion di e hardware manera e software.
Helicopter a bula di un forma autonoma na e fin di atmosfera marciano, sin yudansa di ekiponan di tera. Ingenuity, ta un demonstracion di tecnologia, el a bula pa 40 seconde total. E helicopter ta 4 libra y draai cu dos pala di mas di un meter di largura, e ta eleva 3 meter riba laira.
Ingenuity por bula 4 bes mas halto durante e proximo simannan. E helicopter ta marca varios hitos di con pa haci movecion pa sobrebibi e anochinan na Mars. E señal di radio ta tarda 15 minuut y 27 seconde pa yega for di Mars pa nos planeta, e ta extende un 278.4 miyon di km.
Leave a Reply