Nadal ta perde frente a Tsitsipas na e Australia Open

E tenista Español Rafa Nadal a keda derota pa e griego Stefanos Tsitsipas na e prome Gran Slam di e temporada, e Australia Open. Tsitsipas a logra recupera despues di a perde dos sets frente Nadal y a drenta den semifinal pa torneo.

Tsitsipas a vence Nadal, e number 2 di mundo, pa 3-6, 2-6, 7-6 (4), 6-4 y 7-5. “Mi no tin palabra pa describi locual acaba di pasa den e veld”, e griefo a bisa na e Australia Open.

Solamente dos hende homber a recupera dos sets contra pa vence Nadal den un Grand Slam: Fabio Fofnini na e US Open na 2015 y awo e tenista griego Tsitsipas.

Nadal ta sigui empata cu e gran Suizo Roger Federer na 20 titel di Grand Slam. E serbio Novak Djokovis ta patras cu su di 17 titel. E alineacion di semifinal masculino na Melbourne ta completo cu dos Ruso pa e ultimo cuatronan.

E campeon defensor Novak Djokovic, kende ta busca su di nuebe titulo di Australia Open (kende tin e record) ta bay hunga contra Ruso Aslan Karatsev, diahuebs awo. Tsitsipas lo hunga contra ruso Daniil Medvedev, diabierna