Telefon pa hubentud ta keda yuda na hobennan cu tin preocupacion

Pa hopi aña, Telefon pa Hubentud 131 a keda brinda nan servicio pa hobennan y muchanan cu tin preguntnan di nan bida diario. Awo durante un aña di pandemia cu Covid-19, esaki no a cambia pero mas yamada a bin acerca cu diferente preguntanan y topiconan pa e organisacion.

Sr. Shurman Milliard, trahado social di Telefon pa hubentud ta papia riba e aña cu nan a keda activo di pandemia cu a duna interview, charla y workshops pa asina e muchanan por expresa nan sentimentonan cu covid-19 a bin cune.

E ta comparti cu durante un aña cu hopi reto, e muchanan y hobennan no por a bay cerca nan amistadnan, famia of conocinan. Esey a pone cu a traha hopi cu nan salud mental, mayoria mester a keda na cas sin ningun tipo di brasa, of afecto di nan sernan keri.

Esey ta bin cu pensamentonan negativo ta hunga un rol y situacion ta keda un reto. Pa e motibo aki, a bin cu un proyecto pa interview comunidad pa asina por tin un idea kico e hobennan ta pensa y con ta confronta e cambionan aki.

Prome cu Covid-19, sr Milliard ta bisa cu tabata haya diferente yamada pa uso di substancia, comportacion di nan famia, of cualkier otro situacion cu nan no tabata haya adecua. E ta bisa cu ora situacion di pandemia, esey a bin acerca cu tur e otro problemanan.

Nan a haya diferente yamada y nan a pone riba nan medionan social informacion acerca diferente topiconan cu e hobennan ta interesa na dje. E ta bisa cu esey a bira mas halto y kier pone e problemanan cu ta bin dilanti manera salud mental, termento, nan amistadnan, uso di diferente substancia y consecuencia riba esaki.

Sr. Milliard ta bisa cu nan ta presente pa duna e informacion necesario na e muchanan y hobennan cu mester di dje. Telefon pa Hubentud conhuntamente cu otro instancianan manera FADA, Tienda di Educacion y tur otro concerni ta traha hunto pa asina yuda den area cu nan ta specialisa na dje y persona ta dicidi unda e kier bay.

Pa tur e problema manera, uso di substancia sea alcohol of droga, of problemanan di salud mental manera depression of ansiedad, sr. Milliard ta bisa cu semper tin un solucion. E ta bisa pa e motibo aki 131 semper nan lo t’ey pa yuda e proecupacion cu e hobennan/ muchanan tin y con por soluciona e situacion cu nan por tin.