Parlamento kier claridad den caso di malversacion ‘no ta momento pa celebra’

Awe durante un conferencia di prensa di Fraccion MEP, parlamentario di MEP, Hendrik Tevreden, ta bisa cu e campaña ta concentra mas riba e trankilidad, siguridad y porvenir di e ciudadanonan, y no mes tanto riba campaña luhoso y grandi.

Sr. Tevreden ta expresa cu ayera a mira cu opositornan politico a celebra e entrega di gobierno y disolve parlamento ‘kico tin di celebra den un pais ora cu representantenan di parlamento ta investiga den caso di malversacion di placa di pueblo’.

“Esaki ta momento tristo den nos pais. Momento tristo di historia politico di nos pais, unda cu representantenan di pueblo ta haya nan mes den malversacion di placa di pueblo.”

E ta bisa cu for di un tempo tabatin varios problema den e partido, sin embargo e ta bisa cu mester laga investigacion sigui pa wak ken tabata envolvi den e malversacion.