Dialuna merdia durante un rueda di prensa teni na oficina di Parlamento Hubenil directiva y hobennan a presenta nan idea pa renoba stichting Parlamento Hubenil 2021.

Manera sa 2020 a escohe un directiva nobo pa yuda e hobennan cu a keda den e fundacion pa asina lanta bek Parlamento hubenil tanto den structura y maneho pero tambe den miembrecia di nos hobennan.Durante un periodo caba ta trahando riba diferente cambionan pa asina por re-launch stichting Parlamento Hubenil.

Parlamento Hubenil ta para pa derecho di mucha y hoben y nan derecho di tin libertad di expression y di informacion. Parlamento Hubenil ta stimula e derechonan specifico aki atravez di training, workshops, projecto y debatenan.

Nos tin un solo meta, pa motiva y duna tur toolsnan necesario pa yuda den e desaroyo personal y profesional di nos hobennan y cu mas firmeza, empuha nan participacion den nos comunidad.Un di e cambionan cu a wordo pidi ta e logo di Parlamento Hubenil.

Ta duna oportunidad na nos comunidad pa ta parti di e cambio aki dor di participa exponiendo nan creatividad den un logo. E logo aki mester por refleha riba e derechonan di libertad di expresion y opinion cu respet pa otro, libertad den pensamento, creencia y religion.

Libertad pa reuni den grupo treciendo informacion pero teniendo na cuenta semper riba derechonan humano. Den un forma pa laga nan boz wordo scucha. Por usa cualkier forma sea ta pintura, digital, sketch, importante ta pa splica bo diseño y colornan cu bo ta usa.Dia 12 di augustus 2021, nos lo revela e logo ganado pa celebra dia internacional di hubentud.

Leave a Reply

Your email address will not be published.