Exposicion di dibuho cu e resultado di e workshop. Segun tur reglamentonan y procedura Covid DVG

E otro banda magico di e liña. Hunto cu e obranan recien di e artista Americano den residencia procedente di e ciudad di Detroit, señora Tess Walkowsky. Diadomingo 28, 6pm. 2021. Den salanan mayor di exposicion na Ateliers ’89 Academia di Bellas Artes Aruba na Dominicanessenstraat 34 Oranjestad.

Bin disfruta di un muestra unico pensa pa e maestra di e workshop di dibuho Joanie Croes. Cu a bin ta elabora pa un luna hunto cu diescuater participante. Unda a pone hopi atencion riba e esencianan y moda contemporaneo di dibuho y su desafionan actual.

E workshopersnan ta Eefje Steeghs, Jennifer Jacobs, Alexis Dirksz, Louisa Boekhoudt, Lillianna Olarte, Facundo Franken, Thamyris Thiel, Rachelle Fontaine, Dwayne Heronimo, Patricia ACE, Chrislene Arends, Dinant Esschendal, Geneviève Wientjes, Estella Thodé.

Un luna sin igual cu tin biaha alrededor di tres opdracht pa anochi. Pues a traha hopi duro mes y asina na tur ta invita abo tambe y tur cu kier bin mira e exposicion cu su resultado sorprendente.

Hunto cu e exposicion di dibuho lo presenta e obranan recien di Tess Walkowsky. Tess a jega bin duna les di Graffity 4 aña pasa na Ateliers ’89 y awor ta e artista den residencia. E obranan ta traha di materialnan resicla y ta di exprecionnan multiple cu consientisacion di e sushedad grandi actual cu tin na mundo henter.

E exposicion lo keda habri te cu 26 din Maart, y por wordo mira door di siman di 2pm pa 6pm. Anochinan di workshop te 8pm. Nos kier a finalisa gradiciendo tur nos sponsornan cu ta haci tur esaki posibel.