Bida ta mas complica cu antes y ta importante como tata pa ta envolvi den bida y desaroyo di bo yiu. Esaki no kiermen cu bo ta dun’e tur cos cu e kier of cu bo tin cu entreten’e cada minuut.
Locual ta importante ta cu bo yiu sa cu e por conta riba bo pa sosten emocional ora e tin necesidad di esaki. Sea bo ta un tata casa, tata soltero, padrastro, un welo of bo ta fungi como figura paternal, boatencion y amor ta esencial pa un mucha por lanta sano.
Pa enrikese bo experencia como tata, Fundacion Pa Nos Muchanan ta trece e articulo cu varios tips pa trece bo mas cerca di bo yiu.Con bon bo conoce bo yiu? Pa por educa, disciplina y comunica efectivamente cu bo yiu ta bon pa bo conoc’e miho.
Kico ta suinteresnan? Kico e ta pensa y con e ta experencia bida? Planea un mainta of atardi special cu bo yiupa conoce otro miho. Si bo tin mas yiu haci un cita apart cu cada un.
Bay un caminda cu boso por tacomfortabel y unda boso por papia sin otro hende ta stroba. Por percura pa algo pa bebe y come.Splica bo yiu cu esaki ta un oportunidad pa boso por haya sa mas cos di otro.
Encurash’e pa haci bopregunta y di bo banda haci mesun cos. Ta importante pa bo no critica su contesta y tambe pa bocontesta su preguntanan.Aki ta sigi algun pregunta cu bo por haci pa asina por conoce bo yiu miho:
Ken ta su heroe femenino y masculino? Pakico e ta scohe e personanan aki?
Kico e ta gusta mas di ta miembro di boso famia?
Di tur loke e tin, kico p’e ta esun mas valioso?
Ken ta su miho amigo/anan y kico e ta gusta di nan?
Kico ta duna bo yiu hopi stress?
Cua ta su logro di mas grandi di p.e. aña pasa?
Kico a descurash’e mas den aña pasa? Kico ta su cosnan favorito – p.e. color, cuminda, film, buki, etc…?
Kico e lo kier haci ora cu e bira grandi? (planea loke e por haci pa haya sa mas di suinteres)
Kico ta pone bo yiu rabia?
Si bo yiu haya 50 florin pa uza, kico e lo cumpra cun’e?
Kico e ta desea pa boso dos haci hunto?
Kico bo yiu ta considera hopi importante pa boso discuti den e siguiente 6 luna?Probablemente lo tin pregunta cu di antemano bo sa con bo yiu lo contesta, pero sigur e lo dunacontestanan tambe cu bo no lo spera.
No laga e momento aki pasa sin mas. Consider’e unoportunidad special unda bo lo conoce y compronde bo yiu miho. Esaki lo yuda bo dun’e atencion debido y un guia efectivo.
Con pa enrikese e relacion entre tata y yiu homber?E tempo y esfuerso cu bo dedica pa bo ta un bon modelo pa bo yiu homber tin su fruta dia e bira un adulto. E lo sa con pa trata su emocionnan na un manera sano.
Su pensamento y actitud positivo loenrikese su relacionan den futuro. E lo sa con pa defende su mes na un manera husto y firme. Y mayan cu e bira tata e lo sa con pa pasa su sabiduria y experencia pa su yiunan.
Algun tips pa yuda bo ta un bon modelo of bon ehempel pa bo yiu homber: Yuda bo yiu tuma responsabilidad pa su comportacion. No stimula un actitud cerca dje cu “Ta cos di mucha homber e ta haci”, ni un comportacioncu ta encurash’e pa e ta egoista, impulsivo y dominante.
Siñ’e cu hende homber tambe ta pasa dor di diferente emocion, manera sinti miedo ytristesa.Mustr’e cu ta bon pa expresa su emocionnan. Bis’e cu si e no kier pa hende tent’e ora e kier yora, e por busca un luga unda e ta sinti’e safe pa expresa su sentimento.
Ta importante p’abo, como tata, expresa bo rabia na forma no agresivo, ni menasante of cupor lastima otro hende.Rabia ta un emocion cu mester expresa cu cuidao y cu consideracion. Corda cu bo yiu loimita e manera cu bo ta expresa bo mes.
Encurash’e pa respeta hende muhe como igual y no como obheto pa domina, controla ofmanipula. No haci of stimula chistenan cu ta ofende of rebaha hende muhe. Si bo ripara cubo yiu ta papia malo di hende muhe, actua di biaha y corigi’e.
Siñ’e pa e ta un aliado di hende muhe y demonstr’e con pa haci esaki.
Mustr’e con pa negocia y siñ’e cu compromiso ta parti di relacion humano. Y esey nokiermen cu bo ta swak of bo a “perde bataya”.
Siñ’e cu ta ok pa un hende homber puntra pa yudansa, sosten y cariño. Lag’e sa door di boaccion y palabra cuanto bo ta balora bo famia y amigonan.
Siñ’e cu masculinidad kiermen ta un persona cu moral halto y cu caracter firme y husto.
Papia cu n’e tocante e violencia cu e ta wak rond di dje y den mundo. Yud’e comprondedicon hende ta actua violento. Hunto discuti riba e miho maneranan pa reacciona ribaviolencia cu e ta wak na television, wega di video y pelicula.
Yud’e pa scohe amigonan cu ta dun’e sosten. Mustr’e cu muchanan cu ta actua sarcastico, cuta rebaha of persigui otro, ta actua asina pasobra nan ta sinti nan mes swak.
Papia cu n’e tocante sexualidad: con pa mantene su mes sano y e importancia di actua na unforma responsabel.
Leave a Reply