Mester tin pasenshi y coopera cu otro den situacion dificil

Dokter y director di Respaldo Hendrikus Van Gaalen ta amplia riba e crisis cu mundo ta pasando aden incluyendo Aruba lo dura pa drecha sinembargo ta keda importante pa informa bon, y haci caso na locual ta wordo bisa tocante e social distance. Teniendo na cuenta cu esnan gramdi y muchanan ta esnan mas vulnerabel.

Tambe ta bisa cu si tuma medida bon ta evita cu por yega asina leu. Pa e motibo aki e ta bisa cu ta importante pa haya e informacion, via medionan social, radio, website cu nan por lesa. Diferente metodo cu nan por tende.

Pero ta enfatisa si cu pa tende tur esaki henter dia no ta bon tampoco. E ta bisa cu por keda informa, pero no wak esey henter e dia ‘no scucha henter ora e negativo so’ pasobra e por afecta e mente.

E recomendacion di dokter ta pa bin cu algo nobo y structura cu por distrae e mente cu e pensamento di e futuro. E ta remarca cu virus por keda un griep cu lo por bin tur aña dus persona no mester enfoca cu munod. Acaba. Sino structura cuminsa cu hobby no keda wak tur informacion cu tin.

Den caso cu ta haya problema semper por tuma contacto cu dokter di cas pa conseho of remedi. Nan di Respaldo lo tuma tempo pa reorganisa. E por compronde cu den situacion asina e por traha cu hende nan mente.

E situacion financiero ta keda e punto di preocupacion. E ta bisa pa famia keda trankil pasobra pa tur cos tin un situacion den bida ‘kere ta importante pa nos yuda otro te unda cu nos por’.

El e menciona esey pa hende cu a perde trabou, pa esnan cu ta rond no bira egoista y yuda den situacion. E ta bisa cu probresa por causa stress, anto esnan cu no tin placa e situacion lo bira pa nan fastioso.

Pa e motibo aki eta bisa pa famia keda uni, adapta mas cu otro den e cambio. Pone structura den cas conhunntamente cu yiu. Haci meditacion, busca applicacion di trankilisa of medita. Pone reglanan den cas maenra ken ta haci kico na cas ‘haci rutina nobo manera deporte, actividad’.

Mester tene tambe na un bida saludabel. Nan ta consciente cu tur locual ta pasando y tin un team cu lo Sali pa yuda. Van Gaalen e comparti cu tambe departamento di asunto social  y tur otro organisacion cu ta duna conseho pa famia.

Tambe ta bisa cu e ta algo cu ta afecta mundo economicamente pero tin cu pensa cu ta bin un future ‘no pensa cu tur ta bay muri, bira malo’ e remarca cu e por ta posibel cu mas hende bira malo pero e no ta bay leu y mester sigui wak e future. “Mundo a pasa den guera, den pandemia y humanidad a sigui wanta. Cu pasenshi, cooperacion y yuda otro tur cos lo bay bon”, el a menciona.

Leave a Reply

Your email address will not be published.