No ta regla den ley pa obliga trahado pa vacuna

Un topico cu a keda bin dilanti ta e preocupacion di trahado, cu si bo no vacuna, bo no por traha. Sinembargo esaki no ta un regla den ley pa obliga un trahado pa vacuna ‘e ta contra ley’. Funcionario di casonan di retiro na Departamento di labor, Jullie Kelly ta splica mas riba esaki.

E dunado di trabou bou no por obliga nan trahado of trahado pa vacuna, pasobra e no ta regla den ley. “E ta keda na cada persona, un derecho fundamental cu nan tin, pa vacuna of no kier vacuna anto etin cu keda respeta. Tin pasonan contra esaki.”

Tampoco no por ta cu e dunado di trabou por tuma ni medidanan disciplinario, ni retiro pa motibo di no tuma e vacuna. Pues ningun tipo di warning, ni verbal ni por escrito ta valido. Y tampoco un manera di hala atencion of suspecion por, no ta legalmente pa vacuna.

Aunke Kelly ta bisa si cu pa cierto funcionnan den cierto sectornan, manera medico, ta spera cu nan ta tuma e vacuna pa protege su mes y pashentnan.

“No tin ningun caso cu a bay corte of tin peticion di retiro pa e motibo menciona. Un doño di trabou si por den deliberacion cu e empleado bisa cu den cierto funcion e no por traha y lo wordo manda cas, pero cu pago, pendiente pa yega na un otro funcion den e compania. E funcion no mester ta algo diferente di loke e ta haciendo, pero Departamento di Labor no tin conocemento di casonan asina.”

Kelly ta menciona cu si casonan bin dilanti, ta importante pa laga cada caso cana su caminda individualmente. Esaki pasobra cada caso ta diferente. Departamento di Labor ta boga pa tin pas den tereno laboral y ta enfatisa cu no por duna ningun empleado deadline pa tuma vacuna.

“Ta importante pa tin bon comprension, y balora otro. Cada caso cana nan caminda individualmente, den e caso aki, no tin obligacion legal, mester respeta cada trahado cu no ta tum’e. E ta preferibel pa por yega na un acuerdo mutuo.”

E ta bisa cu ta preferibel en bes di bay den discusion cu empleadonan, of duna warning, ta miho duna nan e hermentnan pa nan ta miho informa di kico e vacuna ta y pakico e ta importante. “Bolter e situacion y busca un acercamento mas positivo, cu respet, pa logra cu bo hendenan vacuna, si esey ta e deseo.”

Dunadonan di trabou cu tin cualkier problema semper por acerca Departamento di Labor pa mas informacion, kico nan por y kico nan no por haci, kedando semper den cuadro di ley. Otro medidanan di precaucion cu ta bin cu protocol si e dunado di trabou por pone como regla na su negoshi.