Mester ta disciplina cu diabetes

Prakrijk Ondersteuner Huisarts (POH) ta duna informacion tocante diabetes tipo 2 den comunidad, edad ta bahando cada biaha mas den e malesa no na Aruba so pero mundial. Tambe mester keda enfatisa pa persona cambia nan estilo di bida y movecion.

Jasmira Mora, coordinador praktijk ondersteuner a duna informacion tocante dia internacional di diabetes y nan ta trahando bou di Wit Gele Kruis pa nan zorg di haya mas hende cu ta posibel.

Pa dia internacional tabatin e posibilidad pa check sucu gratis. Nan sa cu tin hende cu ta cana trankil sin sa cu nan tin sucu, of pa motibo di nan trabou y ocupa ta bira dificil pa nan bay haci un afspraak di dokter di cas.

Ta importante pa check y keda controla pa haci test ‘e ta algo facil’ den cuadro di dia di diabetes Wit Gele Kruis y POH ta duna chens pa otro intancia manera Ibisa, ImSan pa tambe por haci nan check ups.

POH ta traha directamente cu dokter. Mora ta splica cu e problema di diabetes ta uno serio mirando cu edad ta bahando pa hende hoben. Esey principalmente tin di aber cu cultura, estilo di bida cu hende ta bibando. Awendia ‘tur hende ta druk’ nan no kier of por come na tempo, anto ta prefera come riba caya, ambos mayor ta trahando y ta duna mucha come fast food y asina e diabetes tipo 2 por cuminsa ‘esey ta esun cu por tin mas influencia riba dje’.

E problema ta cu no ta heredita e malesa sinembargo bo ta heredita e estilo di bida anto eynan ta unda e mayoria di problema ta sinta. E falta di comemento saludabel y falta di movecion cu hopi biaha hende ta yega na e malesa mas lihe.

Diabetes tipo dos tin e nomber pa ‘ouderdom diabetes’ pero den actualidad no mas pasobra por tin pashent hoben. Sinemabrgo e no ta manera hoben cu hende por nace cune. “Esey ta ora un pashent nace cu problema di insulina anto e ta haya tratamento cu internista y specialista.

Mastanto ora ta papia di esnan hoben ta esun cu tin 20 aña di edad of mas. E no ta facil pa un persona cu tin 20 aña comiendo malo y un estilo di bida no adecua. No por cambia e persona asina facil y ta rekeri begeleiding. Nan ta purba di papia cu e persona y motiva ‘nos ta bira manera coach’. Den opleiding nan ta haya motivacion cu ta parti escencial den e begeleiding. Mayoria di trabou ta consisti den esey.

POH ta keda informa publico tambe tocante importancia di movecion. E ta enfatisa cu no solamente ta come malo pero mester keda activo. Sea cana of core, varios departamento, organisacion ta organisa caminata, marathon anto esey importante pa participa.

Di parti di Wit Gele Kruis, mayoria di hende ta haci flyers. Nan ta purba di promove mas hopi riba radio, propaganda y conhuntamente cu PRISMA diabetes pa asina yuda e pashent. Mora ta expresa cu tin mas disciplina usando e prisma. Segun Mora, e POH ta un parti cardinal den e training di educacion.

Tin algun caso e pashent cu diabetes tipo 2 no mester keda bebe remedi si e cambia su estilo di bida of come bon y haci movecion. E ta contesta cu nan por yega na cierto momento di bisa e por ta posibel pero mester tin cambio drastico di nan manera di come. Algun pashent na Aruba cu a stop remedi of baha nan, pero nan ta wak nan estilo di bida a cambia y ta haci un diferencia den su bida den e comemento y movecion.

Den e dianan POH ta yama pashent cu diabetes tipo 2 cu ta interesa den e hangua di griep mirando cu e grupo di pashent cu sucu ta e risico halto cu por haya influenza, persona di edad mas halto ta cay den risico pa haya e griep. Nan di POH lo sigui yama nan pashent activamente. DVG tin e prik di griep y POH ta purba pa tin e rol mas activo den comunidad pa duna informacion nesario na e pashent.

Leave a Reply

Your email address will not be published.