Calidad den duna servicio

Director Evelyn Yarzagaray a duna splicacion di aña 2019 unda e ta bisa cu tabata uno sumamente satisfecho. Nan a wak positivo y kico a funciona y kico no a funciona pa asina por haci adaptacion na esey.

El a remarca cu un di parti mas fuerte tabata e parti di inverti den educacion sexual y integral. Sinembargo el a bisa cu esey a funciona hopi bon y tambe den cifra pa motibo cu nan a wak un crecemento den e parti di scol cu 56% di scol cu a ricibi un workshop durante henter aña escolar.

Famia Planea tin programa fiho na varios scol tambe na educacion special. “Nos ta traha duro den 2018 cu IPA pa bin cu contenido pa diferente edad y scol. Segun e crecemento di mucha, anto esey nan a bin ta haci durante 2019 y a mira un bon resultado.

Un aspecto positivo pasobra locual ta hoben ta haya na scol tur e informacion. E no ta algo cortico pa motibo cu e tin un continuidad y contenido. Esey ta duna espacio na tur cu bin cerca nan pa haya e servicio completo.

Sea nan ta haya e servicio personal of si nan kier sigui ricibi cualkier servicio di nan via medionan social, website of cualkier servicio manera scol. Yarzagaray ta bisa cu generacion ta cambia, nan ta tuma challenge manera Famia Planea pa cambia cierto strategia pa asina por cambia pensamento pa nan por experiencia y traha duro riba formato di nan organisacion.

Nan a haci algun cambio den e team. Nan staff ta ‘relativamente hoben, capacita y cu un background cu nan por atende hoben’ di e forma aki nan ta mas strategico y facil pa drenta na nan. Famia Planea a ripara cu a duna un satisfaction cu a sinti cu nan ta ocupa na e parti di rebranding.

Nan por a tuma cu e maneho y organisacion pa nan cambia e statuur, e preparacion pa adaptacion den nan servicio, pa purba modernisa nan servicio cu ta mas posibel y brinda un pakete complete manera nan a splica.

“Nos a bin ta anticipando cierto cambionan y comportacion cu nos hobennan tin. Nos por wak esey y adapata nos mes na projecto y approach e cambionan aki. Nos ta comfortable overall cu nos a bin traha duro pa una bes nos yega 50 aña, nos manera Famia Planea ta sinti un area fresco y calidad di servicio”, Yarzagaray a expresa.

Cu esey nan lo logra cu tempo, sinembargo e ta bisa cu nan ta keda pone enfoke riba hoben y pusha ‘pa keda mas creative cu nunca’. Tambe mester tuma na cuenta e buraco cu ta keda entre generacion di hoben y adulto.

Nan ta purba di ta ‘in between’ mey di ann pa purba para banda di e mayor y banda di e hoben pa duna guia. Tambe pa educador. E ta bisa cu scol mester untiki di cada informacion pa keda top di nan wega, creatividad y nan ta mas comfortable di e parti ey.

Leave a Reply

Your email address will not be published.