Ta keda trece conscientisacion riba asuntonan di droga

Departamento di fundacion FMAA (fundacion maneho di adiccion Aruba). Emmeline Webb cu ta trahador social a splica nan trabou como departamento y proyecto cu nan tin pa evita y conscientisa casonan den uzo di droga den nos hobenan.

E meta ta pa guia y duna sosten na cada persona cu tin sea un problema di adiccion or relaciona cu esaki. E servicio di nan segun sra. Webb ta ta wordo ofreci na adictonan, na muchanan/ estudiantenan di 10 aña bay ariba cu ta bayendo scol. Pa e famia di cualkier persona cu ta pasando den problema di adiccion.

E servicio cu nan ta screening di droga, educacion di droga, consehonan y peticion pa interna cliente den rehabilitacion internacional y local. Tambe peticion pa curatela. Nan team professional pa guia y yuda rehabilita un persona cu ta adicto ta consiti den un psikiatra, psicologo, enfermero y trahado social.

Nan ta diferente fase cu e persona tin cu bay atende cu por dura dies siman of mas ta dependiendo e progreso di persona cu ta pasando bou asunto di adiccion. Nan ta haci preguntanan basico di e bida di e persona, tambe pasa e persona su pasado pa por saca afo e motibo di cual e ta uza droga.

Unicamente ta haci e test ta si e mayor ta firma e acuerdo. Den caso cu si tin un mayor cu no kier firma pa motibo cu no ta di acuerdo pa haci e test aki. Den caso si e test ta sali positivo pa uzo di droga ta informa e scol asina nan por informa na mayornan.

Emanera mas facil pa yega na tur hobennan ta via scolnan anto pa e muchanan cu no ta bayendo scol pa motibo di problemanan social toch nan por haya e hobenan aki. Awo cu e temporada di carnaval lo tuma contacto cu difernete instancianana pa plan cu tin den asuntonan di abuso di substancianan.

Leave a Reply

Your email address will not be published.