Director di DOW, Marlon Croes ta bin dilanti pa splica riba e diferente pensamento cu tin riba hende cu ta haci peticion pa aumenta e plateau pa asina aumenta e siguridad den trafico. E ta algo cu algun barionan of grupo ta desea pa asina stop cu autonan cu ta core na un velocidad halto.
Den e caso di DOW, nan ta basa nan mes na EEE (Engineer Enforcement Education) cu cada peticion cu drenta nan ta studia e peticion, e volument y riesgo cu por pasa algo lamentabel manera un accident.
Nan ta studia e volumen y a base di e riesgo cu nan ta wak, nan ta saca afo e lista di prioridad. Nan ta wak e scolnan, area cu tin mas mucha riba caya. Esey ta busca pa balans y DOW ta keda responsabel.
Croes ta menciona si cu mester keda trece educacion na automobilistanan pa comporta nan mes riba trafico. Un programa pa trece pa Aruba. Den comparacion cu 30 aña pasa, tin casi un 80.000 auto cu esey por trece frustracion cu hende no por core cu e speed cu nan ta desea.
Sinembargo ta keda importante pa esnan cu ta core auto core na un velocidad halto pa nan comporta nan mes den trafico y lo analisa unda lo pone plateau pero mester wak e parti financiero cu ta keda relevante pa por tuma accion. Mester sinta cu gobierno pa wak esaki.
Leave a Reply