Hendrikus Van Gaalen, director medico di Respaldo y psikiatra a cuminsa splica cu tin diferente forma di dementia, Alzheimer ta un di nan pero tambe tin front dementia, dementia ocaciona pa parkinson, trauma, droga y tambe remedi.
E ta remarca cu tin diferente dementia pero Alzheimer ta e tipo mas importante di dementia mirando cu esaki tin 70% cu ta bin mas di tur e dementia. E ta refleha en edad di 65 aña di edad ta haya 8% chens, riba 80 aña di edad ta bira 25% y cu 90 aña di edad e chens ta bira 40%. Entre mas edad mas chens pa hay’e pero e ta un forma, no e unico.
Si un persona tin Alzheimer e por biba 8 aña of mas largo pero esey ta depende e gravedad di e malesa. Sinembargo otro tipo di dementia tambe por ta bastante peligroso. Na Aruba cu Alzheimer por bisa cu tin un 5.000 persona, pero no menos cu 1.200 hende cu Alzheimer cu ta 70% di tur dementia. Respaldo ta kere cu tin un 1.200 pashent cu dementia. E por ta cu mas pasobra tin un factor cu ta laga dementia crece mas lihe maneram sucu, presion halto, huma, hypertencia. Persona cu no ta come bon of cu tin deficencia na vitamina.
Segun Van Gaalen tin factor cu por crea dementia mas lihe cu otro. Den caso cu hende no ta drumi bon pa aña largo tambe por hay’e mas lihe. Tin storia cu na Aruba tin persona menso cu 65 cu tine. E ta bisa cu tambe por cay riba e mesun factor.
Persona cu 50 aña di edad por haya dementia. E por ta un trauma den trafico. Un desgracia grandi cu ta bira un shock pa celebro, un persona cu tin 30 aña tambe por, den caso cu e ta usa droga of remedi tambe por crea dementia mas lihe. Sinembargo e ta bisa cu ta un grupo chikito. Pa pashent cu tin Alzheimer ta purba di traha cu lithium cu ‘por traha tiki’ pero remedi no ta apto pa e malesa.
El a asisti na un conferencia di dementia, caminda a bisa cu a purba cu tur remedi pero no ta yuda mas. Por purba di evita dementia pa biba untiki saludabel y pa wak sucu, presion pasobra remedi no ta yuda.
E remedi Lithium unda cu hende ta us’e cu transtorno bipoplar. Remedi cu por yuda pa trata un persona cu dementia den otro forma ta pa comportacion, si un hende ta rabia lihe, move hopi, halucinacion y ta dificil pa cuida ta haya otro ayudo. Un dokter cu enfermero ta trata cu dementia pero ta tuma mucho tempo.
E ta tuma 1, 2 of 3 siman pa por duna un diagnostica pero ta complica pa traha hunto cu neurogolo pa wak con por trata e persona su comportacion. Tin mas caso di dementia y ta keda na salubridad publico en combinacion cu famia, medico pa wak kico por haci.
E ta wak esnan (mantelzorg) cu ta cuida e familiar cu dementia cu ta dura mas di 20 ora pa siman apart di nan bida normal. “Nos ta e mantelzorg pa hende grandi ta tuma tempo pa cuida nan mayornan. E cuido cu hende cu dementia ta dividi pa dokter, enfermero y hende den famia cu ta biba na cas.”
Plan di respaldo ta pa sigui duna e informacion parti preventivo. Pa evita pa hende haya dementia prome cu nan mester. Van Gaalen ta bisa cu pueblo mester compronde pa haci movecion, keda activo den mente, no huma, wak presion y kico persona ta come, bebe likido, drumo bon cu ta importante, no usa droga. Tambe ta importante pa sa cu mayornan cu tin alzheimer, tin chens cu nan yiu ta hay’e na grandi.
Leave a Reply