Lo sigui traha riba campaña di prevencion

Wit Gele Kruis a comparti e situacion registra pa locual ta trata situacion di embaraso hubenil, maltrato, abuso sexual y droga. E  cifra di aña pasa y kico tur nan a haci y lo continua haci pa takkel e problema y sigui duna informacion.

Monique Giel Labad, verpleegkundide tiener consulent na Wit Gele Kruis a bisa cu den practica ta mira mucha homber cu señal di droga ta keda ‘bin cada bes’. E parti di relacion entre mucha homber cu mucha muhe, e maltrato severo. E ta bin mayoria den maltrato di hende hoben.

E ta bisa cu na 2018 den e bario San Nicolas y Noord tabata halto. Nan a señala cu muchanan cu a pasa den abuso sexual y desues nan a sali na estado, of a haya e parti cu mucha ta usa droga ora cu nan a haya yiu. E cantidad di caso ta asina ta mas halto den bario di Santa Cruz.

Pa locual ta trata e parti di maltrato of abuso di un padrastro, omo, primo bou influencia tambe tin caso halto. E parti cu nan a señala, nan a registra na comienso di aña y final unda cu a traha nan jaarverslag pa comparti y wak con por traha riba e tereno eynan..

Segun Giel Labad, e parti cu mas a resalta ta edad di muchanan. “Nos doelgroep ta keda entre 11 te cu 19 aña di edad. E edad mas hoben tabata 14 aña. E aña aki nos tin mucha muhe di 13 aña pero si nos wak bek, el a sali na estado un aña prome.”

Manera nan haci registro pa asina tin un miho bista y con e situacion ta ‘e no ta keda na registracion so’ pero ta keda kibra cabes pa wak kico por haci y busca un manera pa preveni caso asina.

Giel Labad ta bisa cu esey ta pa motibo cu programa di prevencion di charla na scol. E ta un campaña cu nan ta core durante periodo di carnaval. Sinembargo e ta bisa cu nan ta keda wak bek e caso di ‘carnaval babies’ cu ta e parti di november cu ta keda e cantidad mas halto, tambe nan ta wak si e hende muhe a sali na estado pa motibo di inlfuencia.

Di e forma ey, nan ta keda traha campaña riba e tereno preventivo. Ta haya sa cu mucha den edad ta activo, anto pa nan ta sigur kico nan ta haciendo. Pasobra si bisa un mucha pa no haci’e, toch e ta haci’e, pa motibo cu curpa ta costuma.

Nan no por prohibi pero ta bisa cu ta preventivo di mustra nan pa nan keda pendiente di malesa cu ta wordo transmiti sexualmente. Kico lo pasa cu por curpa ora bo tene relacion sexual cu diferente partner.

Con pa haya mas informacion di e malesa. Ora nan tin cu bay departamento DBZ pa traha hunto den projecto pa asina nan ta mas consciente. Pa por capta atencion di un hoben, mester interactua cu nan. Keda haci demonstracion visualmente y asina nan por compronde y duna stelling. Con nan por actua y haci den cierto situacion cu presenta na nan.

Nan ta ripara tambe cu mayoria di nan muchanan cu ta dilanti e lezing tin ‘self-esteem abou’ nan ta busca atencion y nan no ta haya. Pa e motibo ey nan ta busca e atencion na caminda robes.

Leave a Reply

Your email address will not be published.